इंडिगोने दिल्ली (delhi) आणि मुंबईला (mumbai) मँचेस्टरशी जोडणारी आपली विमानसेवा तात्पुरती स्थगित केली आहे.
हवाई क्षेत्रावरील सततचे निर्बंध आणि वाढता परिचालन खर्च ही कारणे देत हा निर्णय घेतला आहे.
इंडिगोने 31 ऑगस्टपासून मँचेस्टरहून (manchester) येणारी आणि जाणारी विमानसेवा तात्पुरती बंद करण्याची घोषणा केली.
भू-राजकीय तणाव आणि हवाई क्षेत्रावरील कडक निर्बंधांमुळे आंतरराष्ट्रीय हवाई वाहतूक मार्गांना सतत त्रास होत आहे. त्यामुळे खर्च प्रचंड वाढला आहे. अशा परिस्थितीत हा निर्णय घेण्यात आला आहे.
मार्ग स्थगित केल्याचा थेट परिणाम म्हणून, इंडिगो नॉर्स अटलांटिक एअरवेजकडून सध्या वेट लीजवर असलेल्या आपल्या सहा बोइंग 787-9 ड्रीमलाइनर विमानांपैकी एक परत करणार आहे.
इंडिगो (indigo) एअरलाइनने माहिती दिली आहे की इतर सर्व उर्वरित लांब पल्ल्याची उड्डाणे नियोजित वेळेनुसार सुरू राहतील.
इंडिगोने 2025 च्या सुरुवातीला नॉर्स अटलांटिक एअरवेजकडून सहा वाइड-बॉडी ड्रीमलायनर्स भाड्याने घेऊन यूकेला सेवा सुरु केली होती.
इंडिगोने एअरबस A321XLR विमानाने अॅमस्टरडॅम, अथेन्स आणि इस्तंबूलसाठी नवीन मार्गही सुरू केले होते.
मध्य पूर्वेतील सततच्या भू-राजकीय घडामोडींमुळे हवाई क्षेत्रावर निर्बंध आले आहेत. त्यामुळे विमान कंपन्यांना लांबचे वळसा घालून जावे लागत आहे, ज्यामुळे उड्डाणाचा कालावधी लक्षणीयरीत्या वाढला आहे.
गगनाला भिडणाऱ्या विमान टर्बाइन इंधनाच्या (एटीएफ) किमती आणि परकीय चलनातील अस्थिरता यांमुळे या मार्गावरील आर्थिक भार असहनीय झाला आहे.
मँचेस्टरसारख्या उच्च क्षमतेच्या लांब पल्ल्याच्या ठिकाणांशी आमची कनेक्टिव्हिटी जलद करण्यासाठी आम्ही ही वाइड-बॉडी विमाने अल्प कालावधीसाठी सेवेत दाखल केली होती आणि त्याला अत्यंत उत्साहवर्धक प्रतिसाद मिळाला.
त्यामुळे, हवाई क्षेत्रावरील निर्बंधांमुळे वाढलेला उड्डाणाचा कालावधी आणि प्रचंड वाढणाऱ्या खर्चामुळे आम्हाला आमच्या मँचेस्टर सेवा तात्पुरत्या स्वरूपात बंद करण्याचा निर्णय घ्यावा लागत आहे.
यापूर्वी मे महिन्यात, एअर इंडियानेही (air india) वाढत्या एटीएफच्या किमतींमुळे आपल्या आंतरराष्ट्रीय सेवांमध्ये 27 टक्क्यांनी कपात केली होती आणि नंतर देशांतर्गत सेवांमध्ये 22 टक्क्यांची कपात करण्याची घोषणा केली होती.
हेही वाचा
Share
Tweet
