यंदाच्या अर्थसंकल्पात मध्य रेल्वेला ७६३८, पश्चिम रेल्वेला ७०४२ कोटींचा निधी

केंद्रीय अर्थमंत्री निर्मला सीतारमण यांनी अर्थिक वर्ष २०२०-२१ चा अर्थसंकल्प सादर केला. या अर्थसंकल्पात पायाभूत सुविधांसह अनेक प्रकल्पांना चालना देण्यासाठी रुपयांची तरतूद केली आहे. त्याचप्रमाणं रेल्वे प्रकल्पांसाठीही कोटी रुपयांची तरतूद केली आहे. विशेष म्हणजे या अर्थसंकल्पात मुंबई उपनगरीय विभागासाठी असलेल्या एमयूटीपीच्या प्रकल्पांना चालना देण्यासाठी ५५० कोटी रुपयांच्या निधीची तरतूद करण्यात आली आहे.

राज्यभरातील मध्य रेल्वेच्या विविध प्रकल्पांसाठी केंद्रीय अर्थासंकल्पात ७६३८ कोटी रुपये देण्यात आले आहेत. मुंबईला उत्तर भारताशी जोडणाऱ्या पश्चिम रेल्वेला ७०४२ कोटींचा निधी देण्यात आला आहे. अर्थसंकल्पात मुंबई उपनगरीय विभागासाठी ५५० कोटी रुपयांची तरतूद केल्यानं गेल्या अनेक वर्षांपासून रखडलेल्या प्रकल्पांना चालना मिळणार आहे.

अर्थसंकल्पात रेल्वेच्या विकासासाठी ७० हजार कोंटीची तरतूद करण्यात आली आहे. त्यापैकी काही हजार कोटी मुंबई उपनगरीय रेल्वे, पश्चिम रेल्वे आणि मध्य रेल्वेला देण्यात आला आहे. एमआरव्हीसी राबवत असलेल्या एमयूटीपी-२ साठी २०० कोटी , एमयूटीपी-३ करता ३०० कोटी तर एमयूटीपी-३ए मधील प्रकल्पांसाठी ५० कोटी रुपयांची तरतूद करण्यात आलेली आहे.

उपनगरीय रेल्वे मार्गावरील रेल्वे स्थानकांवरील एकात्मिक सुरक्षा यंत्रणा, तिकीट यंत्रणा, पादचारी पूल, रेल्वे ट्रॅकची देखभाल आणि दुरुस्ती, प्रवासी सुविधांमध्ये सरकते जिने-लिफ्ट उभारण्यासाठी निधीची तरतूद करण्यात आली आहे.

एटीव्हीएम, लिफ्ट, एक्सलेटरची संख्या वाढविण्यावर भर देण्यात आला आहे. तसंच, चर्चगेट-विरार ट्रॅक दुरुस्ती तसंच, लोअर परेल वर्कशॉपमध्ये एलएचबी कोचचं उत्पादन वाढविण्यावर भर देण्यासाठी निधीची तरतूद करण्यात आली आहे.

एमयूटीपी २ - २०० कोटी

• सीएसएमटी-कुर्ला ५-६ मार्गिका
  
• ठाणे ते दिवा पाचवी-सहावी मार्गिका
  
• मुंबई सेंट्रल ते बोरीवली सहावी मार्गिका
  

एमयूटीपी ३ - ३०० कोटी

• ४७ वातानुकूलित लोकल गाड्या
  
• पनवेल ते कर्जत दुहेरी मार्ग
  
• ऐरोली ते कळवा लिंक रोड
  
• विरार ते डहाणू चौपदरीकरण
  

एमयूटीपी ३ ए - ५० कोटी

• सीएसएमटी ते पनवेल एलिव्हेटेड मार्गिका
  
• २१० वातानुकूलित लोकल गाड्या
  
• पनवेल ते विरार उपनगरीय मार्ग
  
• सीबीटीसी सिग्नल यंत्रणा
  

सीवूड्स-बेलापूर-उरणसाठी १०० कोटी

मध्य रेल्वेसाठी ७ हजार ६३८ कोटींचा निधी तरतूद

• एटीव्हीएमची संख्या वाढवण्यासाठी १ कोटी ६३८
• एटीव्हीएम बदलण्यासाठी २ कोटी
• सीएसएमटी स्थानकातील प्लॅटफॉर्मची लांबी वाढवण्याकरिता ४ कोटी
• पनवेल-कळंबोली कोचिंग डेपोकरिता ८ कोटी
• कर्जत-पळसदरी दरम्यान चौथी लाईन आणि कर्जत-पनवेल यार्ड रिमॉडलिंगकरिता ३ कोटी
• विविध स्थानकात रोड ओव्हर ब्रीज उभारण्यासाठी ३५१ कोटी
• पुलांचे काम-बोगद्याकरिता ९८ कोटी
• वर्कशॉपकरता ३३१ कोटी
• प्रवासी सुविधेकरता २९५.६ कोटी
• सीएसएमटी स्थानकाच्या इमारतीच्या दुरुस्तीकरिता ९.३ कोटी रुपयांची तरतूद केलेली आहे.
  

पश्चिम रेल्वेसाठी ७ हजार ०४२ कोटींचा निधी तरतूद

• नवीन रेल्वे लाईन, गेज रुपांतर, दुहेरीकरणाकरिता १ हजार ४०२ कोटी
• प्लॅटफॉर्मची उंची, अतिरिक्त पिट लाईन, वेग वाढवणं आणि यार्ड रिमॉडिलिंगच्या कामाकरता ५०.५८ कोटी रुपये
• रेल्वे स्थानकांवर एटीव्हीएमची संख्या वाढवण्याकरता ६.७९ कोटी
• रोड ओव्हर ब्रीजकरता ५०९.४ कोटी
• रोड सुरक्षेच्या विविध कामासाठी ९०१.४० कोटी
• विविध प्रवासी सुविधेसाठी २७९.७० कोटी
• सिग्नल यंत्रणा आणि इतर इलेक्ट्रिक कामे पूर्ण करण्यासाठी १७८.५९ कोटी
• चर्चगेट ते विरार दरम्यानचे रेल्वे रुळ बदलण्यासाठी ३७.८० कोटी
• मुंबई- अहमदाबाद मार्गावरील गाड्यांचा वेग वाढवण्यासाठी ५००० कोटी
• प्रवासी सुविधेंतर्गत पश्चिम रेल्वेच्या विविध स्थानकांमध्ये १६.०६ कोटी

हेही वाचा -

टायगर श्रॉफच्या 'बागी ३'चा ट्रेलर प्रदर्शित, अॅक्शनचा ट्रिपल धमाका

कोस्टल रोड संकल्पचित्राला मुंबईकरांची पसंती!