गुगल आणि भारतीय रेल्वेची दूरसंचार शाखा असलेली रेलटेल यांच्या सहकार्यानं प्रवाशांसाठी मर्यादित 'मोफत वाय-फाय सेवा' रेल्वे स्थानकांवर सुरू करण्यात आली. तसंच, 'रेलटेल'तर्फे भारतीय रेल्वेमध्ये एक हजार रेल्वे स्थानकांवर 'मोफत वाय-फाय' लावण्याचा टप्पा गुरुवारी पूर्ण करण्यात आला. यामध्ये हार्बर मार्गावरील रे रोड स्थानक हे देशातील १००० वं स्थानकानं ठरलं आहे.
रेलटेल अंतर्गत रेल वायरच्या माध्यमानं रेल्वे स्थानकात जलद आणि मोफत वाय-फाय सुविधा जानेवारी २०१६ रोजी पश्चिम रेल्वेच्या मुंबई सेंट्रल स्थानकातून सुरू करण्यात आली होती. दरम्यान, रेल्वे स्थानकांवर वाय फाय सेवा पुरविण्यासाठी अनेक समस्यांना सामोरं जावं लागलं आहे. स्थानकातील मोठ-मोठ्या भिंती, स्थानकांचा पुर्नविकास, स्थांनकांवरील बांधकामांमुळं वाय फायच्या नेटवर्कमध्ये अनेक अडथळे निर्माण होत होते, असं रेलटेलचे सीएमडी पुनीत चावला यांनी सांगितलं.
रेलटेलनं टाटा ट्रस्टसोबत संपुर्ण भारतात बी, सी, डी आणि ई श्रेणिच्या अंतर्गत येणाऱ्या ४७१९ स्थानकांवर वाय फाय सेवा उपलब्ध करण्याचा करारा केला होता.
हेही वाचा -
लसिथ मलिंगाचा अखेरचा चेंडू होता नो बॉल, सामन्यानंतर विराटनं सुनावलं पंचांना
जगात सर्वात परवडण्याजोग्या शहरांमध्ये मुंबईचा समावेश
Share
Tweet
