एमजी मोटर कोरोना वॉरीयर्सला देणार १०० एमजी हेक्टर कार्स

कोव्हिड-१९ च्या संकटकाळात मदतीचा हात पुढे करत एमजी मोटर इंडियाने मे २०२० च्या अखेरपर्यंत देशभरात सार्वजनिक सेवेसाठी डॉक्टर, चिकित्सा विभागातील कर्मचारी, पोलिस आणि स्थानिक प्रशासकीय अधिकाऱ्यांना ‘१०० एमजी हेक्टर’ वाहने उपलब्ध करून देण्याचा निर्णय घेतला आहे.  

कोव्हीड-१९ च्या संकटातून बाहेर पडण्यासाठी राष्ट्रीय प्रयत्नांना पाठींबा देत एमजी मोटर इंडिया १०० हेक्टर नि:शुल्क उपलब्ध करून देईल. सर्व कार या इंधन आणि चालकांसहित उपलब्ध करून दिल्या जातील. यामुळे कोरोनाविरोधात भारताचे सुरु असलेले प्रयत्न अधिक वेगवान होतील. या कारमधून डॉक्टर, चिकित्सा विभागाचे कर्मचारी, पोलिस आणि स्थानिक प्रशासकीय अधिकारी हे फ्रंटलाइन वॉरिअर्स सुरक्षितरित्या प्रवास करू शकतील, याची हमी कंपनीतर्फे घेतली जाईल. राज्य सरकारच्या नियमानुसार, लॉकडाउन दरम्यान एमजीच्या राष्ट्रीय नेटवर्कद्वारे कार पुरवल्या जातील.

कार निर्माते या ‘१०० हेक्टर’ कार राष्ट्रीय सेवेत तैनात करण्यासाठी नुकत्याच सुरू झालेल्या एमजी डिसइन्फेक्ट अँड डिलिव्हर’ प्रक्रियेचे पालन करतील.

एमजी मोटर सध्या या साथीच्या काळात विविध समूहांना मदत करत आहे. कार निर्मात्याने व्हेंटिलेटर दान केले आहेत. तसेच कोरोना व्हायरसशी सामना करण्यासाठी आरोग्य व स्वच्छता किट, पीपीई किट, सर्जिकल मास्क, हातमोजे, सॅनिटायजर, सॅनिटायझर स्प्रेअर, खाद्य आणि रेशन किट वितरीत केले आहेत.