रिलायन्स उद्योगसमुहाचे सर्वेसर्वा मुकेश अंबानी यांनी काही दिवसांपूर्वी रिलायन्सच्या बहुप्रतिक्षीत जिओ फायबर सेवेची घोषणा केली. ५ सप्टेंबरला जिओचा तिसरा वर्धापनदिन असून, याच दिवशी जिओ फायबर लाँच करण्यात येणार आहे. यानंतर रिलायन्स जिओनं आपल्या नोंदणी प्रक्रियेचा तपशील जाहीर केला आहे. लॅंडलाईन फोन आणि टीव्ही सेट-टॉप बॉक्ससाठी जिओ फायबरची योजना दरमहा ७०० रुपयांपासून सुरू होणार असून, ती १० हजारपर्यंत असणार आहे. तसंच, प्रीमियम ग्राहकांना या सेवेसाठी १० हजार रुपये मोजावे लागणार आहेत.
या सेवेच्या पहिल्या टप्प्यात ग्राहकांना इंस्टॉलेशन शुल्क आकारला जाणार नसून, याबाबत रिलायन्स जिओनं आपल्या संकेतस्थळावर माहिती दिली आहे. ग्राहकांकडून केवळ सेक्यूरिटी डिपॉजिट घेण्यात येणार आहे. तसंच, जिओनं वेलकम ऑफरची देखील घोषणा केली आहे. याअंतर्गत वार्षिक योजना खरेदी केल्यास ग्राहकांना मोफत HD किंवा 4K LED टीव्ही आणि 4K सेट-टॉप बॉक्स मिळणार आहे.
या सुविधेसाठी ग्राहकांकडं ओळखपत्र असणं बंधनकारक आहे. आधार कार्ड अथवा कोणतंही वोटर आईडी कार्ड, पॅन कार्ड, पासपोर्ट, ड्रायविंग लायसन्स, यांसारख्य ओळखपत्रांची गरज आहे. दरम्यान, नोंदणी प्रक्रिया पूर्ण झाल्यावर आणि जिओ फायबर सेवा उपलब्ध असल्यास एक इंस्टॉलेशन इंजीनिअर ब्रॉडबॅंड सिस्टीम बसविण्यात येईल. या इंस्टॉलेशननंतर २ तासांत सेवा सुरू होईल.
हेही वाचा -
दादा, पवार, नाना यांच्यावरही वाहतूक विभाग करणार कारवाई
मुंबई कॉंग्रेसची पश्चिम महाराष्ट्रातील पूरग्रस्तांना मदत