Advertisement

'या' कारणास्तव मुंबईतील हयात रिजेंसी हॉटेल बंद

मुंबईतील लोकप्रिय पंचतारांकित हॉटेल हयात रीजेंसीच्या अधिकाऱ्यांनी कामकाज तात्पुरतं स्थगित केलंय.

'या' कारणास्तव मुंबईतील हयात रिजेंसी हॉटेल बंद
SHARES

सोमवारी, ७ जून २०२१ रोजी मुंबईतील लोकप्रिय पंचतारांकित हॉटेल हयात रीजेंसीच्या अधिकाऱ्यांनी कामकाज तात्पुरतं स्थगित केलंय. आर्थिक परिस्थितीचं कारण देत हॉटेलमधील कामकाज स्थगित करण्यात आलं आहे. कर्मचार्‍यांना नोटीसद्वारे कळवण्यात आलं आहे की, पुढील सुचना येईपर्यंत हा निर्णय लागू असेल.

त्यात असंही म्हटलं आहे की, हॉटेलला एशियन हॉटेल्स (वेस्ट)कडून निधी मिळालेला नाही. यामुळे हॉटेल ऑपरेट करू शकत नाही आणि कर्मचार्‍यांना पगारही देऊ शकत नाही.

CNBCला दिलेल्या मुलाखतीत हयातचे कंट्री हेड सुंजे शर्मा यांनी सांगितलं की, भविष्यातील आरक्षणही हयात बुकिंग वाहिन्यांद्वारे तात्पुरते उपलब्ध होणार नाही. ते पुढे म्हणाले की, आम्ही समस्या सोडवण्याचा प्रयत्न करत आहोत. त्यासाठी मालकांशी चर्चा चालू आहे. लवकरच यातून मार्ग निघेल.

एअरपोर्ट रोडवरील हॉटेलमध्ये सध्या कोणतेही अतिथी नव्हते आणि आत्तापर्यंत ग्रँड हयातसाठी भविष्यातील सर्व बुकिंग लागू होईल. स्टाफ सदस्यांबाबत अद्याप निर्णय घेण्यात आलेला नाही.

आयसीआय हॉटेल्स वेस्टच्या Q3 FY21 मधील लक्झरी हॉटेलच्या मालकांना ११ कोटी रुपयांचा तोटा झाला. कंपनीची सहाय्यक कंपनी एरिया हॉटेल्स आणि कन्सल्टन्सी सर्व्हिसेस प्रायव्हेट लिमिटेड सध्या देशात दोन हॉटेल चालवत आहेत. त्यातील एक दिल्लीत तर दुसरे मुंबईत आहेत.

CNBC TV 18 च्या अहवालात वरील आकडेवारीव्यतिरिक्त, आशियाई हॉटेल्स वेस्टनं आर्थिक वर्षाच्या नऊ महिन्यांत ३१.९ कोटी रुपयांचा तोटा नोंदवला आहे.

कोरोनाव्हायरसमुळे हॉटेल उद्योगावर मोठा परिणाम झाला आहे. गेल्या काही महिन्यांपासून अनेकांनी आर्थिक कारणामुळे व्यवसाय बंद केले.



हेही वाचा

प्राप्तिकर विभागाचे नवीन ई-फाईलिंग पोर्टल सुरू, मिळतील 'हे' फायदे

इंधन दरवाढ सुरूच, मुंबईत पेट्रोल १०१ रुपयांच्या वर

Read this story in English
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा