भिवंडीतील पटेल कंपाउंड इथली जीलानी ही ३ मजली इमारत सोमवारी पहाटेच्या सुमारास कोसळली. या दुर्दैवी घटनेत जवळपास १० जणांनी जीव गमावला आहे. मृत्युमुखी पडलेल्यांच्या कुटुंबीयांना ५ लाख रुपयांची मदत राज्य शासनाच्या वतीनं देण्यात येणार असल्याचं ठाण्याचे पालकमंत्री एकनाथ शिंदे यांनी जाहीर केलं.
इमारत कोसळल्याचं कळताच पालकमंत्री एकनाथ शिंदे यांनी घटनास्थळी धाव घेतली. एनडीआरएफची एक तुकडी, ठाणे महापालिकेच्या आपत्कालीन विभागाची तुकडी, ठाणे आपत्ती प्रतिसाद दल आणि भिवंडी अग्निशमन दलाचे जवान पहाटेपासून मदतकार्यात गुंतले. ढिगाऱ्याखाली अडकलेल्यांना बाहेर काढण्याचे काम सुरू आहे.
#भिवंडी पटेल कंपाउंड येथील जिलानी इमारत कोसळून दुर्दैवी घटना घडली असून याठिकाणी हजर राहून सुरू असलेल्या मदतकार्याची पाहणी केली.#Bhiwandi pic.twitter.com/9GVFuBbpVX
— Eknath Shinde - एकनाथ शिंदे (@mieknathshinde) September 21, 2020
जवळपास २० जणांना ढिगाऱ्या खालून बाहेर काढण्यात आलं. त्यांच्यावर भिवंडीतल्या इंदिरा गांधी स्मृती रुग्णालयात दाखल करण्यात आलं. एकनाथ शिंदेंनी ढिगाऱ्या खालून सुखरूप बाहेर काढलेल्या नागरिकांची भिवंडीतल्या इंदिरा गांधी स्मृती रुग्णालय जाऊन भेट घेतली आणि विचारपूस केली.
हेही वाचा : 'जेजे'त रुग्णालयात 'रेन वॉटर हार्वेस्टिंग' प्रकल्प उभारण्यात येणार
सोमवारी पहाटे ३.४० वाजता ही दुर्घटना घडली. यावेळी बहुतांश लोक झोपेत होते. मिळालेल्या माहितीनुसार, मुंबईत मागील काही दिवसांत झालेल्या जोरदार पावसामुळे इमारत कमकुवत झाली होती. यामध्ये २१ कुटुंबं राहत होती.
लवकरात लवकर ढिगाऱ्याखाली अडकलेल्या नागरिकांना सुखरूप बाहेर काढण्याचे आदेश यासमयी एनडीआरएफ तसेच टीडीआरएफ टीमला दिले तसेच ढिगाऱ्या खालून सुखरूप बाहेर काढलेल्या नागरिकांची भिवंडी येथील इंदिरा गांधी स्मृती रुग्णालय येथे भेट घेऊन त्यांची आस्थेने विचारपूस केली. pic.twitter.com/XIyL8HYUnq
— Eknath Shinde - एकनाथ शिंदे (@mieknathshinde) September 21, 2020
सोमवारी पहाटे पावणे चारच्या सुमारास ही इमारत कोसळली होती. यात १० जणांचा मृत्यू झाला तर किमान काही जण अद्याप ढिगाऱ्याखाली अडकले असल्याची भीतीही व्यक्त केली जात आहे. दरम्यान घटनेनंतर स्थानिक लोकांनी २० लोकांना बाहेर काढले. एनडीआरएफचे पथक घटनास्थळी दाखल झाले असून बचावकार्य सुरू आहे. ही इमारत ३० वर्षे जुनी होती. आधीच धोकादायक घोषित केलं होतं. दोनदा नोटिसही बजावण्यात आली होती.
हेही वाचा