प्लास्टिक बंदीच्या अंमलबजावणीला आज 23 जूनपासून सुरुवात झाली आहे. प्लास्टिक पिशव्यांसह थर्माकोलच्या वापरावर कारवाई करण्यासाठी महापालिकेची पथकेही सज्ज झाली आहे. त्यामुळे प्लास्टिक पिशव्या आढळून आल्यास ५ हजार रुपयांचा दंड केला जाणार आहे. मात्र घरात जरी प्लास्टिक आढळलं, तरी कारवाई होईल की काय? अशी भीती नागरीकांना सतावत आहे. परंतु असं काहीही नसून केवळ सार्वजनिक ठिकाणी, मॉल्स, दुकानांमध्येच ही प्लास्टिक बंदीची कारवाई केली जाणार आहे.
त्यामुळे नागरिकांनी घाबरुन न जाता घरातील सर्व प्लास्टिक पिशव्या कचरा संकलन पेटीत आणून टाकाव्यात आणि कापडी पिशव्यांचा वापर करावा, असं आवाहन महापालिकेने केलं आहे.
ड्रायफूटसह इतर किराणा मालाच्या दुकानात पॅकींग केलेल्या पारदर्शक प्लास्टिक पिशव्या
दुकानदार, मॉल्स, कॅटरर्स, घाऊक व किरकोळ विक्रेता, फेरीवाले, वितरक, वाहतूकदार, मंडई, स्टॉल, शासकीय व अशासकीय संस्था, शाळा-कॉलेज, उद्योग कंपन्या, क्रीडासंकुल-चित्रपट व नाट्यगृह, समारंभाचे हॉल
प्लास्टिक पिशव्यांसह थर्माकोलच्या वस्तूंचा वापर करताना प्रथम आढळल्यास ५ हजार रुपयांचा दंड, दुसऱ्यांदा आढळल्यास १० हजारांचा दंड आणि तिसऱ्यांदा आढळल्यास २५ हजार रुपयांचा दंड आकारण्यात येणार आहे.
मुंबई महापालिकेने प्रत्येक विभाग कार्यालयांमध्ये प्लास्टिक पिशव्यांसह वस्तू टाकण्यासाठी कचरापेट्या उपलब्ध करून दिलेल्या आहे. या पेट्यांमध्ये हे प्लास्टिक टाकले जावे. किंवा सोसायटींमध्ये एकत्र जमा केल्यानंतर महापालिकेच्या 1800222357 या टोल फ्रि क्रमांकावर संपर्क साधून महापालिकेला कळवल्यास गाडी पाठवून हे प्लास्टिक गोळा करण्यात येईल.
प्लास्टिकला पर्याय ठरु शकतील, अशा वस्तूंच्या उत्पादनांचे प्रदर्शन वरळी येथील 'नॅशनल स्पोर्टस क्लब ऑफ इंडिया'च्या (एनएससीआय) प्रेक्षागारात शुक्रवारी २२ ते रविवार २४ जून २०१८ या कालावधीत होणार आहे. हे तीन दिवसीय प्रदर्शन सकाळी १० ते सायंकाळी ७ या कालावधी दरम्यान सर्वांसाठी विनामूल्य खुलं असणार आहे.
यामध्ये ६१ 'स्टॉल्स' व महिला बचत गटांचे ५०'स्टॉल्स' देखील या प्रदर्शनात असणार आहे. त्यामुळे आपले घर, आपली सोसायटी, आपला व्यवसाय व आपल्या परिसरात प्लास्टिक बंदी अधिकाधिक प्रभावीपणे राबविण्यासाठी या प्रदर्शनाला अवश्य भेट द्या, असं आवाहन प्लास्टिक बंदी जनजागृती मोहिमेचे समन्वयक व सहायक आयुक्त किरण दिघावकर यांनी केलं आहे.
हेही वाचा-
प्लास्टिक बंदीला लालबागच्या राजाचा पाठिंबा
प्लास्टिक बंदी: कोळीणींना फेकून द्यावे लागणार मासे