अायपीएलच्या ११व्या पर्वाला सुरुवात होण्याअाधीच गतविजेत्या मुंबई इंडियन्सला पहिला धक्का बसला अाहे. मुंबई इंडियन्सचा खेळाडू जेसन बेहरेनडाॅर्फ याने पाठीच्या दुखण्यामुळे माघार घेतली अाहे. बेहरेनडाॅर्फ पहिल्यांदाच अायपीएलमध्ये खेळणार होता. पण पाठीच्या दुखण्यामुळे त्याचं हे स्वप्न अाता पूर्ण होऊ शकणार नाही. विशेष म्हणजे, बेहरेनडाॅर्फवर मुंबई इंडियन्सने अायपीएलच्या लिलावात १.५ कोटी रुपयांची बोली लावली होती. अाता त्याच्या जागी न्यूझीलंडच्या मिचेल मॅकक्लेनाघनची निवड करण्यात अाली अाहे. मॅकक्लेनाघनसाठी मुंबई इंडियन्सने १ कोटी रुपये मोजले अाहेत.
न्यूझीलंडच्या मॅकक्लेनाघनवर या वर्षी कोणत्याही फ्रँचायझीने बोली लावली नव्हती. पण त्याच्याकडे अायपीएलमध्ये खेळण्याचा अाणि विशेष म्हणजे तीन वर्षे मुंबई इंडियन्सकडून खेळण्याचा अनुभव अाहे. त्याने अातापर्यंत अायपीएलमधील ४० सामन्यांत ५४ विकेट्स मिळवल्या अाहेत. २०१७ मध्ये त्याने १९ विकेट्स मिळवल्या असल्या तरी तो सर्वात महागडा गोलंदाज ठरला होता. मुंबई इंडियन्सचा पहिला सामना ७ एप्रिल रोजी वानखेडे स्टेडियमवर चेन्नई सुपर किंग्सविरुद्ध होणार अाहे.
Paltan, our champion is 🔙 with us! 😎@Mitch_Savage returns to MI for his fourth season in a row, as he replaces the injured @JDorff5.#CricketMeriJaan pic.twitter.com/sT7RNW6c08
— Mumbai Indians (@mipaltan) March 19, 2018
जेसन बेहरेनडाॅर्फ हा पाठीच्या दुखण्याने त्रस्त अाहे. त्यामुळे त्याने यंदाच्या अायपीएलमधून माघार घेतली अाहे. अाॅस्ट्रेलियाचा डावखुरा वेगवान गोलंदाज जेसन बेहरेनडाॅर्फ याच्या जागी मिचेल मॅकक्लेनाघनची निवड करण्यास अायपीएलच्या तांत्रिक समितीने परवानगी दिली अाहे. नियमानुसार, एखाद्या खेळाडूने माघार घेतल्यास त्याच्या जागी नोंदणी झालेल्या अाणि उपलब्ध खेळाडूंमधून क्रिकेटपटू निवडण्याची परवानगी मुंबई इंडियन्सला अाहे.
Just a quick thanks to @mipaltan and @ImRo45 for the last 3 years. Was a great experience and enjoyed every moment. All the best this year and will watch on with interest.
— Mitchell McClenaghan (@Mitch_Savage) January 28, 2018
हेही वाचा -