गुजरातमध्ये अंगाडियाला शस्त्राचा धाक दाखवून लुटणाऱ्या सराईत आरोपीला गुन्हे शाखेच्या पोलिसांनी मालाड येथून अटक केली आहे. सुधीर दत्तात्रय शिंदे असं या आरोपीचं नाव आहे. शिंदे विरोधात नवी मुंबई, मुंबई, गुजरात मधील पोलिस ठाण्यात १५ हून अधिक गुन्ह्यांची नोंद आहे. अटकेनंतर सुधीरला गुजरातच्या पाटण पोलिसांच्या हवाली केलं आहे.
मागील काही दिवसांपासून मालाडच्या पठाणवाडीत शिंदे हा राहत होता. याबाबतची माहिती पोलिस निरीक्षक सुनिल माने यांना मिळाल्यानंतर त्यांनी सापळा रचून शिंदेला अटक केली. १९९१ पासून शिंदेवर गंभीर गुन्ह्यांची नोंद आहे. २००४ साली जोगेश्वरीत डाॅक्टरच्या घरात चोरी करण्यासाठी शिरलेल्या शिंदेने त्या डाॅक्टरची हत्या केल्याचं प्रकरण गाजलं होतं. गुजरातमधील चोरीच्या गुन्ह्याच्या तपासासाठी गुन्हे शाखेच्या पोलिसांनी शिंदेला पाटण पोलिसांच्या हवाली केलं आहे.
हेही वाचा -
ओशिवरात नैराश्येतून माॅडेल तरूणीची आत्महत्या
सामूहिक अत्याचार झालेल्या मुलीची मृत्यूशी झुंज संपली
उच्चभ्रू वस्तीत घरफोडी करणाऱ्या सराईत आरोपींना अटक