कोरोनामुळे देशभरात लॉकडाऊन लागू करण्यात आला होता. अनलॉक मोहीमेअंतर्गत हळूहळू परिस्थिती पूर्वपदावर येत आहे. अशातच केंद्र सरकारनं २१ सप्टेंबरपासून शाळा सुरू होणार असल्याचं जाहीर केलं आहे. पण या निर्णयाला पालकांचा विरोध होण्याची शक्यता आहे.
गेल्या ४ ते ५ महिन्यांपासून सुरू असलेल्या या लॉकडाऊनमध्ये शाळा, रेल्वे आणि इतर महत्त्वपूर्ण संस्था बंद ठेवण्यात आल्या होत्या. आता हळूहळू विविध सेवा पूर्ववत केल्या जात आहेत. या अंतर्गत आता शाळा देखील सुरू करण्याची परवानगी देण्यात आली आहे.
इयत्ता ९ वी ते १२ वी च्या विद्यार्थ्यांना शाळांमध्ये शिक्षकांकडून मार्गदर्शन घेण्यासाठी जाता येणार आहे. पण यासोबतच विद्यार्थ्यांना पालकांच्या परवानगीचं पत्र आवश्यक असणार आहे. अशावेळी सोशल डिस्टन्सिंगचे नियम पाळले जाणार आहेत. इतर इयत्तेच्या विद्यार्थ्यांसाठी ऑनलाइन आणि डिस्टन्स लर्निगला परवानगी देण्यात आली आहे.
केंद्रानं जरी ९ वी ते १२ वीच्या विद्यार्थ्यांसाठी परवानगी दिली असली तरी किती राज्य यासाठी तयार होतील हे सांगणं कठिण आहे. दिल्ली, हरयाणा, बिहार या राज्यांनी शाळा सुरू करण्यासाठी तयारी दर्शवली आहे. मात्र महाराष्ट्रात हा निर्णय राज्य सरकारच्या हातात आहे. त्यामुळे महाराष्ट्रात शाळा सुरू होणार की नाही हे स्पष्ट नाही.
खालील नियमांचं पालन करणं बंधनकारक आहे.
हेही वाचा
Share
Tweet
