सामान्यत: कढीपत्त्याचा वापर दक्षिण प्रांतात जास्त केला जातो. परंतु भारतात आता सर्व प्रांतांत याचा वापर होऊ लागला आहे. असंख्य गुणांमूळे कढीपत्ता हा आरोग्यासाठी खूप फायदेशीर असल्याचं सिध्द झालं आहे. पण जेवणात असलेला कढीपत्ता अनेकजण बाजूला काढून ठेवतात. कढीपत्ता चवीला थोडासा कडवट असतो. पण तुम्हाला माहीत नसेल की कढीपत्ता तुमच्या केसांसाठी आणि त्वचेसाठी किती फायदेशीर आहे. मग आज आम्ही तुम्हाला कढीपत्त्याच्या याच फायद्यांशी अवगत करून देणार आहोत.
२) कढीपत्त्यात अँटी-ऑक्सिडेंट, अँटी बॅक्टेरीयल, अँटी-फंगल गुण आहेत. त्यामुळे फंगल इन्फेक्शन आणि पिंपल्स येण्यापासून बचाव होतो.
३) कढीपत्त्यामुळे पदार्थांना चव येते. कढीपत्त्यामुळे जिभेवरच्या चवीची संवेदना वाढते.
४) कढीपत्ता आयरन आणि फॉलिक अॅसिडचा स्रोत आहे. आयरनची कमतरता फक्त शरीरात आयरन नसल्यानं नाही तर शरीरामध्ये आयरन मुरत नसल्यामुळे होते. याव्यतिरीक्त फॉलिक अॅसिड आयरन शोषून घेण्यास मदत करते.
५) कढीपत्त्यामध्ये अधिक प्रमाणात फायबर असते. ब्लडमधील इन्सुलिनला प्रभावित करुन ब्लड-शुगर लेवल कमी करते.
६) कढीपत्त्यामुळे पचनशक्ती वाढते आणि वेट लॉससाठी मदत होते. यासाठी जास्त वजन असलेल्या लोकांनी कढीपत्त्याचं सेवन नियमित करावं. रोज उपाशीपोटी कढीपत्ता खाल्लात तरी चालेल.
७) कढीपत्त्याच्या सेवनानं कोलेस्ट्रॉलचे प्रमाण कमी होते. रक्तातील चांगल्या कोलेस्ट्रॉलच्या प्रमाणाला वाढवून हृदयासंबंधी रोग आणि एनथेरोक्लेरोसीसचे रक्षण करते.
८) तुम्हाला कफाचा त्रास असेल तर कढीपत्त्याच्या पावडरमध्ये एक चमचा मध मिसळून त्याचं चाटण तयार करा. रोज हे चाटण खाल्लं तर कफाच्या त्रासातून मुक्ती होईल.
९) यकृतासाठी देखील कढीपत्त्याचं सेवन करणं फायदेशीर आहे. यकृत निरोगी ठेवण्यासाठी कढीपत्त्याच्या ज्यूसमध्ये एक छोटा चमचा घरी बनवलेले तुप, साखर, कुटलेली मिरी टाकावी. हे मिश्रण काही वेळ गरम करावं.
हेही वाचा
Share
Tweet
