माहीम कोळीवाड्यात समुद्रकिनारी मुंबईतील पहिला सी फूड प्लाझा सुरू करण्यात आला आहे. या सी फूड प्लाझाचे उद्घाटन पालकमंत्री दीपक केसरकर यांच्या हस्ते करण्यात आले.
सी फूड प्लाझामध्ये येणाऱ्या लोकांना खास कोळी खाद्यपदार्थांचा आस्वाद घेता यावा यासाठी समुद्रकिनाऱ्यावर तंबूची व्यवस्था करण्यात आली आहे. या ठिकाणी नागरिकांना कोळी भोजनासोबत कोळी नृत्याचा आनंद घेता येणार आहे. मासे खाणाऱ्या खवय्यांसाठी ही एक मोठी मेजवानी आहे.
कोळीवाड्याचा पर्यटनाच्या दृष्टीकोनातून विकास करण्याचा निर्णय राज्य सरकारने घेतला आहे. त्यामुळे कोळीवाडा पाहण्यासाठी येणाऱ्या पर्यटकांना तेथे भोजन व राहण्याची सोय उपलब्ध होणार आहे.
मुंबईतील कोळीवाड्यांच्या विकासासोबतच येथे पर्यटन स्थळ विकसित करण्यात येणार आहे. येथे येणारे स्थानिक आणि परदेशी पर्यटक टिपिकल कोळी खाद्यपदार्थ चाखू शकतात. संस्कृती आणि परंपराही पाहायला मिळतील. येथे राहण्याची व्यवस्थाही करण्यात येणार आहे. यासाठी बृहन्मुंबई महानगरपालिका (BMC) कफ परेड, वरळी आणि माहीम कोळीवाड्यात प्रायोगिक तत्त्वावर उपक्रम राबवणार आहे. त्याचाच पहिला भाग म्हणून माहीम कोळीवाड्यात मांसाहारी आहार केंद्र सुरू करण्यात आले आहे.
पालकमंत्री दीपक केसरकर यांच्या हस्ते वरळी येथील महिला सेल्फ असोसिएशनतर्फे चालवण्यात येणाऱ्या पहिल्या सी-फूड प्लाझा, तसेच ज्येष्ठ नागरिक कट्टाचे उद्घाटन करण्यात आले. यावेळी कोळी भगिनींनी तयार केलेल्या विविध पदार्थांचा आस्वाद घेतला.
दीपक केसरकर म्हणाले की, कोळीवाड्याला मुंबईतील पर्यटनाचे केंद्र बनवण्यासाठी शासन कटिबद्ध असून येत्या काही वर्षांत त्याच्या विकासासाठी विविध योजना व प्रकल्प राबविले जातील.
हेही वाचा
Share
Tweet
