भारतीय जनता पार्टी(भाजपा)ने गुरुवारी रात्री लोकसभा निवडणुकीसाठी १८४ उमेदवारांची आपली पहिली यादी प्रसिद्ध केली. या यादीनुसार पंतप्रधान नरेंद्र मोदी वाराणसीतून आणि भाजपाचे राष्ट्रीय अध्यक्ष अमित शहा गुजरातच्या गांधीनगरमधून उभे राहणार आहेत. भाजपच्या पहिल्या यादीत महाराष्ट्रातील १६ उमेदवारांचा समावेश आहे. त्यात मुंबईतील दोघांची नावे आहेत.
केंद्रीय मंत्री आणि भाजपा नेते जे. पी. नड्डा यांनी भाजपाच्या पहिल्या यादीतील उमेदवारांच्या नावांची घोषणा केली. यांत अपेक्षेप्रमाणे पंतप्रधान मोदी यांना वाराणसीतून उमेदवारी देण्यात आली आहे. तर अमित शहा यांना गांधी नगर मधून उमेदवारी देण्यासाठी भाजपाचे ज्येष्ठ नेते लालकृष्ण आडवाणी यांचं तिकीट कापण्यात आलं आहे.
महाराष्ट्रातील प्रमुख नेत्यांपैकी केंद्रीय दळणवळण मंत्री नितीन गडकरी यांना नागपूरमधून उमेदवारी मिळाली आहे. त्यामुळे त्यांच्यात आणि काँगेसचे उमेदवार नाना पटोले यांच्या तुल्यबळ लढत पाहायला मिळू शकते.
त्याशिवाय जलनातून भाजपाचे प्रदेशाध्यक्ष रावसाहेब दानवे, बीडमधून प्रीतम मुंढे आणि धुळ्यातून सुभाष भामरे यांना उमेदवारी देण्यात आली आहे.
काँगेसमधून भाजपात दाखल झालेले सुजय विखे पाटील यांनीही अहमदनगरमधून तिकीट देण्यात आलं आहे.
भाजपाच्या यादीत मुंबई उत्तरमधून गोपाळ शेट्टी यांना, तर उत्तर मध्य मुंबईतून पूनम महाजन यांना उमेदवारी देण्यात आली आहे. महाराष्ट्रातील १६ पैकी १४ विद्यमान खासदारांना भाजपाकडून उमेदवारी देण्यात आली आहे.
भाजपाचे महाराष्ट्रातील उमेदवार असे: