शिवसेना (उद्धव बाळासाहेब ठाकरे) गटाचे उपनेते आणि मुंबईचे माजी महापौर दत्ता दळवी यांना जामीन मिळाला आहे. दत्ता दळवी यांना मुलुंड न्यायालयातून जामीन मिळाला असून, १५ हजारांच्या जातमुचलक्यावर त्यांची सुटका करण्यात आली आहे.
आरोपी हे ज्येष्ठ नागरिक असून त्यांनाा काही आजार आहेत आणि ते पळून जाण्याची भीती नसल्याने जामीन मंजूर करण्यात आल्याचे न्यायालयाने स्पष्ट केले. मुख्यमंत्री एकनाथ शिंदे यांना एका सभेत शिवीगाळ केल्याप्रकरणी दत्ता दळवी यांना अटक करण्यात आली होती.
मुख्यमंत्री एकनाथ शिंदे यांच्याविरोधात जाहीरपणे अवमानकारक वक्तव्य केल्याच्या प्रकरणात दत्ता दळवी यांचा समावेश होता. याप्रकरणी त्याला अटक करण्यात आली होती. दत्ता दळवी हे शिवसेनेच्या कट्टर शिवसैनिकांपैकी एक आहेत.
शिवसेनेत फूट पडल्यानंतर दळवी यांनी ठाकरे यांना पाठिंबा जाहीर केला होता. दत्ता दळवी हे मुख्यमंत्र्यांबद्दल अपमानास्पद वक्तव्य केल्यामुळे चर्चेत आले होते. दत्ता दळवी यांच्या भाषेवर आक्षेप घेत भांडुप पोलीस ठाण्यात तक्रार दाखल करण्यात आली.
या प्रकरणी पोलिसांनी भादंविच्या कलम १५३ (ए), १५३ (बी), १५३ (ए) (१) सी, २९४, ५०४, ५०५ (१) (सी) अन्वये गुन्हा दाखल करून त्याला अटक केली. यानंतर त्याला न्यायालयात हजर केले असता १४ दिवसांची न्यायालयीन कोठडीही सुनावली होती.
मात्र आज जामीन घेतानाही जामीन घेण्यास विलंब सूडाच्या भावनेतून होत असल्याचा आरोप ठाकरे गटाकडून सातत्याने केला जात होता. आज अखेर त्यांची जामिनावर सुटका झाली आहे.
'या' अटी आणि शर्तींवर दत्ता दळवी यांना जामीन
Share
Tweet
