आवाज कुणाचा? मराठी नगरसेवकांचाच

मुंबई - मुंबईतून मराठी माणूस हद्पार होत असल्याचा दावा केला जात असला तरी अद्यापही मुंबईवर मराठी माणसांची पकड आहे. महापालिका निवडणुकीत यंदा तब्बल 144 मराठी नगरसेवक निवडून आले आहेत. विद्यमान महापालिकेच्या तुलनेत अमराठी नगरसेवकांची संख्या आठ ते दहा टक्क्यांनी वाढली आहे. पण या क्षणापर्यंत तरी मराठी नगरसेवकांची संख्या नियंत्रणात ठेवण्यात मुंबईकरांना यश आले आहे.

मुंबई महापालिकेच्या कारभाराची भाषा ही मराठी आहे. त्यातच या निवडणुकीत अमराठी उमेदवारांची संख्या अधिक होती. यंदाच्या निवडणुकीत अमराठी मतदारांनी भरघोस मतदान करत उमेदवारांना निवडून दिले. मात्र, तरीही अमराठी नगरसेवकांच्या संख्येत तेवढ्या प्रमाणात वाढ झालेली नसून या सभागृहात 60 टक्क्यांहून अधिक मराठी नगरसेवक पाठवले आहेत. त्यामुळे या सभागृहात मराठी नगरसेवकांचा आवाज दुमदुमला जाणार आहे.

विद्यमान महापालिकेत 64 अमराठी नगरसेवक आहेत. त्या तुलनेत नुकत्याच झालेल्या महापालिका निवडणुकीत तब्बल 83 अमराठी नगरसेवक निवडून आले आहेत. त्यामुळे यंदा तब्बल आठ ते दहा टक्क्यांनी अमराठी नगरसेवकांचा टक्का वाढलेला पाहायला मिळत आहे. महापालिकेच्या या निवडणुकीत भाजपाचे 42, शिवसेनेचे 5, काँग्रेसचे 22, अपक्ष आणि एआयएमआयएम प्रत्येकी 2, समाजवादी पक्ष आणि राष्ट्रवादी काँग्रेस प्रत्येकी 5 अशाप्रकारे अमराठी नगरसेवक निवडून आले आहेत. विद्यमान महापालिकेत शिवसेना 1, काँग्रेसे 29, भाजपा 12, राष्ट्रवादी काँग्रेस 4, समाजवादी पक्ष 6, अपक्ष 8, रिपाइं 1 आणि नामनिर्देशित सदस्य 3 याप्रकारे 64 अमराठी नगरसेवक आहेत. त्यातुलनेत नव्या महापालिकेत 19 अमराठी नगरसेवकांची संख्या वाढली आहे.

गुजराती भाषिक नगरसेवकांची संख्या सर्वाधिक
महापालिकेत अमराठी नगरसेवकांमध्ये गुजराती नगरसेवकांची संख्या सर्वांधिक आहे. निवडून आलेल्या अमराठी भाषिक नगरसेवकांमध्ये गुजराती २८, मुस्लिम २७, उत्तरभारतीय-बिहारी १६, ख्रिश्चन ३, पंजाबी २ आणि दक्षिण भारतीय ५ अमराठी नगरसेवक निवडून आले आहेत.

पक्षनिहाय अमराठी नगरसेवकांची नावे