भारत सरकार कोविड -19 मधून बाहेर पडण्यासाठी 'कवच' नावाचा अॅप प्रिव्हेंशनसाठी आणत आहे. अॅप सध्या बीटा आवृत्तीत आहे आणि त्याची चाचणी सुरू आहे. खरंतर हा अॅप त्या लोकांना अलर्ट करेल जे कोरोना संक्रमिताला भेटत आहेत. अँड्रॉइड अॅप वापरकर्ते हे अॅप गुगल प्ले स्टोअर वरून डाउनलोड करू शकतात.
हे अॅप इलेक्ट्रॉनिक्स आणि आयटी मंत्रालयाद्वारे विकसित केलं जात आहे आणि लवकरच याची अंतिम आवृत्ती देखील सादर केली जाईल. सिंगापूरनंही असंच अॅप तयार केलं आहे. सिंगापूरच्या TraceTogether अॅपमध्ये शॉर्ट डिस्टन्स ब्लूटूथ सिग्नलचा वापरही केला जात आहे.
कोरोना कावच अॅप वापरकर्त्याच्या स्थानावर आणि वापरकर्ता कोठे जात आहे त्या आधारावर काम करतो. कोविड -१९ वापरकर्त्याच्या लोकशन डेटाशी जुळत असल्यास त्या वापरकर्त्यास सूचनेद्वारे सूचित केले जाईल.
अहवालानुसार या अॅपमध्ये अशा वापरकर्त्यांचा डेटादेखील असेल ज्यांनी स्वत: ला सेल्फ क्वारंटाईन केलं आहे. हे अॅप कोविड -१९ मधील संक्रमित व्यक्तीची ओळख उघड करणार नाही. कोरोना कवचमध्ये दिलेल्या काही खास वैशिष्ट्यांविषयी सांगायचं झालं तर, आरोग्य मंत्रालय वापरकर्त्यांच्या लोकेशनच्या आधारे कोरोना विषाणूचा फैलाव ठेवू शकतो. या व्यतिरिक्त आपण कोविड -१९ रूग्णाच्या सभोवताली गेल्यास हे अॅप तुम्हाला सतर्क करेल.
कोरोना कवच अॅपमध्ये कलर कोडिंग देखील वापरले जाते. तेथे हिरवे, पिवळे आणि लाल रंग आहेत. ज्यामधून वापरकर्त्यांना वेगवेगळ्या प्रकारच्या माहिती मिळतील.
लाल रंग - अ‍ॅपमधील लाल रंगाचा अर्थ असा आहे की आपणास क्वारंटाईन केलं आहे आणि चाचणी केल्यानंतर तुमची टेस्ट पॉझिटिव्ह आली आहे.
हिरवा रंग - जर हिरवा रंग असेल तर आपण कोरोना पेशंटच्या जवळ आला नाहीत.
पिवळा रंग - आपण कोरोना व्हायरस संक्रमित असलेल्या रुग्णाच्या जवळ आलात.
चाचणी केल्यानंतर ज्यांना कोरोनाव्हायरस सकारात्मक घोषित करण्यात आलं आहे त्यांना क्वारंटाईन केलं जातं. काहींना आयसोलेशनमध्ये रुग्णालयात ठेवण्यात येतं. पण काही रुग्ण बाहेर पळून जातात. जर ते क्वारंटाईन ठेवलेल्या रुग्णालयाच्या हद्दीबाहेर गेले तर हा अॅप रुग्णालय प्रशासनास सूचना देईल.
हेही वाचा
Share
Tweet
