Advertisement
COVID-19 CASES IN MAHARASHTRA
Total:
43,43,727
Recovered:
36,09,796
Deaths:
65,284
LATEST COVID-19 INFORMATION  →

Active Cases
Cases in last 1 day
Mumbai
55,601
3,028
Maharashtra
6,39,075
62,194

लॉकडाऊनमध्ये 'हा' अभिनेता झाला बेरोजगार, आता विकतोय भाजी

आमीर खानसोबत 'गुलाम' चित्रपटात या अभिनेत्यानं काम केलं होतं. पण लॉकडाऊनमध्ये बेरोजगार झालेल्या या अभिनेत्याला भाजी विकावी लागत आहे.

लॉकडाऊनमध्ये 'हा' अभिनेता झाला बेरोजगार, आता विकतोय भाजी
SHARES

बालकलाकार म्हणून चित्रपटांमध्ये काम करणारा अभिनेता जावेद हैदरवर लॉकडाऊननं खूप वाईट वेळ आणली आहे. काम नसल्यामुळे जावेदवर भाजी विक्री करायची वेळ आली आहे.

डॉली बिंद्रानं जेव्हा आपल्या ट्विटर हँडलवर त्याचा व्हिडिओ शेअर केला जावेदची हलाखीची परिस्थिती उघडकीस आली. टिकटॉकवर बनवलेल्या या व्हिडिओमध्ये जावेद काम करताना, 'दुनिया में रहना है तो काम कर प्यारे' या गाण्यावर लिप सिंक करताना भाजी विकताना दिसत आहे.

डॉली बिंद्रानं जावेदचा व्हिडिओ शेअर करुन लिहिलं की, ‘हा अभिनेता आहे. तो भाजी विकत आहे. त्याचं नाव जावेद हैदर आहे. १९ मार्चपासून बॉलिवूड आणि टीव्ही इंडस्ट्रीत शूटिंग बंद झाल्यामुळे जावेद हैदरदेखील याच परिस्थितीतून जातोय.

लॉकडाऊनच्या काळात अनेक कलाकारांवर काम नसल्यानं वाईट वेळ आली आहे. यापूर्वी राजेश करीर यांनीही एक भावनिक व्हिडिओ शेअर करुन मदतीची विनंती केली होती. व्हिडिओ व्हायरल होताच राजेशला आर्थिक मदत मिळाली होती.

महाराष्ट्र सरकार आणि चित्रपटाच्या संघटनांनी शूटिंग संबंधित मार्गदर्शक सूचना जाहीर केल्यानंतर हळूहळू चित्रीकरणआला सुरुवात होत आहे.

जावेदनं बाल कलाकार म्हणून 'बाप नंबरी बेटा दस नंबरी' या चित्रपटात कादर खान यांच्या मुलाची भूमिका साकारली होती. याशिवाय तो आमिर खानच्या 'गुलाम' या चित्रपटात झळकला होता. बाबर आणि चांदनी बार या चित्रपटांमध्येही त्यानं काम केलं आहे. टीव्हीवरील 'जीनी और जू जू' आणि 'लाइफ की ऐसी की तैसी' या मालिकांमध्येही तो दिसला होता.



हेही वाचा

सुशांत सिंह राजपूतचा शेवटचा चित्रपट 'या' दिवशी होणार प्रदर्शित

डर के आगे अंडरटेकर था ..!

Read this story in हिंदी
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा