मुंबई सेंट्रल ते अहमदाबाद मार्गावर 13 मार्चपासून वंदे भारत एक्स्प्रेस सुरू करण्यात आली आहे. सध्या पश्चिम रेल्वे 5 वंदे भारत एक्सप्रेस गांधीनगर कॅपिटल-मुंबई सेंट्रल, अहमदाबाद (साबरमती)-जोधपूर, अहमदाबाद-जामनगर, इंदूर-भोपाळ-नागपूर आणि उदयपूर-जयपूर (चितोडगड येथे थांबा) दरम्यान धावत आहे.

अहमदाबादसाठी नियमित सेवा दररोज सकाळी 06.10 वाजता सुटेल. (रविवार वगळता), मुंबई सेंट्रल येथे सकाळी 11:35 वाजता पोहचेल. परतीच्या दिशेने, ट्रेन मुंबई सेंट्रल येथून दुपारी 3:55 वाजता सुटेल, अहमदाबादला रात्री 9:25 वाजता पोहोचेल.

मुंबई सेंट्रल अहमदाबाद मार्गावर वंदे भारत एक्स्प्रेस वडोदरा, सुरत, वापी आणि बोरिवली स्थानकांवर थांबेल. या नवीन वंदे भारत एक्स्प्रेसमध्ये एसी चेअर कार आणि एक्झिक्युटिव्ह चेअर कार यांचा समावेश आहे.

नव्याने सुरू झालेल्या अहमदाबाद-मुंबई सेंट्रल वंदे भारत एक्स्प्रेसच्या पहिल्या प्रवासासाठी बुकिंग सुरू झाल्यामुळे, मंगळवारी 12 तासांच्या आत 70% पेक्षा जास्त जागा आरक्षित झाल्या. त्याचप्रमाणे, मुंबई सेंट्रल-अहमदाबाद ट्रेनसाठी 57% पेक्षा जास्त तिकिटे विकली गेली. दोन्ही सेवा आजपासून नियमित फेऱ्या सुरू करतील.

हेही वाचा

होळी निमित्त मध्य आणि कोकण रेल्वेच्या 112 विशेष रेल्वे फेऱ्या

ठाणे : आता महिलांसाठी बसमध्ये 50 टक्के सवलत सुरू