इलेक्ट्रिकवर चालणाऱ्या पहिल्या एसटी बसचं लोकार्पण गुरूवारी शिवसेना पक्षप्रमुख उद्धव ठाकरे यांच्या हस्ते करण्यात आलं. 'शिवाई' असं या बसचं नाव ठेवण्यात आलं असून ही बस दादर ते पुणे दरम्यान धावणार आहे. या पर्यावरणपूरक बसमुळे एसटी महामंडळा (MSRTC)च्या खर्चात बचत होणार आहे.
विजेवर चालणाऱ्या अशा एकूण १५० बस एसटी महामंडळ खरेदी करणार असून त्याची निविदा प्रक्रियाही पूर्ण झाली आहे. या बसची आसन क्षमता ४४ इतकी आहे. ही बस वातानुकुलीत आहे. एकदा चार्ज केल्यावर ही बस ३०० किमीपर्यंतचा पल्ला सहज गाठते. या बसचा खर्च शिवशाही बसपेक्षा अधिक आणि शिवनेरीपेक्षा कमी असणार आहे.
इंधन दरवाढीमुळे होणारा खर्च टाळण्यासाठी इलेक्ट्रिक बस चालवण्याचा निर्णय घेतल्याचं एसटी महामंडळाचे अध्यक्ष आणि परिवहन मंत्री दिवाकर रावते यांनी सांगितलं.हेही वाचा-
बेस्ट कर्मचाऱ्यांना १२ हजारांपर्यंत पगारवाढ?
४ दिवसांत एसटी महामंडळाची १०० कोटींची कमाई