पश्चिम रेल्वेनं (WR) चर्चगेट-विरार ६० किमी लांब मार्गावर २ हजार ५०० सीसीटीव्ही कॅमेरे लावले आहेत. हे प्रमाणित सीसीटीव्ही असणार नाहीत, कारण याद्वारे चेहरा स्कॅन केला जाऊ शकतो. शिवा थर्मल क्षमता देखील ओळखता येईल.
WRच्या एका अधिकाऱ्यानं सांगितलं की, ही एजन्सी उपनगरी विभागातील संपूर्ण भागात पाळत ठेवणं आणि व्हिडिओ अ‍ॅनालिटिक्स नेटवर्कच्या अपग्रेडची योजना आखत आहे. जूनपर्यंत रेल्वे प्लॅटफॉर्मवर, फूट ओव्हरब्रिजेज, कंट्रोलर एरिया, स्टेशन एंट्री / एक्झिट पॉईंट्स आणि ट्रेनच्या आत हाय-एंड व्हिडिओ अ‍ॅनालिटिक्ससह प्रगत सीसीटीव्ही पाळत ठेवणारी यंत्रणा बसवली जाईल.
पश्चिम रेल्वेचे विभागीय रेल्वे व्यवस्थापक (Mumbai), जीव्हीएल सत्य कुमार म्हणाले, “ही अत्याधुनिक यंत्रणा जूनपर्यंत पूर्णपणे लावली जाईल. आम्ही मुंबई सेंट्रल इथं ५ कोटींच्या खर्चानं युनिफाइड कमांड कंट्रोल स्थापित केलं आहे. येथून सर्व सीसीटीव्हीवर नजर ठेवली जाईल. ”
अधिकाऱ्यांचं म्हणणं आहे की, व्हिडीओ अनालिटिक्स असलेली ही प्रगत कॅमेरा प्रणाली एखाद्या विशिष्ट ट्रेनमध्ये किंवा कोचमध्ये प्रवास करणाऱ्या लोकांची आणि अचूक ओव्हरब्रिजवर थांबलेल्या लोकांची अचूक गणना करण्यास मदत करेल.
हे कॅमेरे रेल्वे स्थानकांच्या स्वच्छतेवर लक्ष ठेवण्यास सक्षम असतील. गाड्यांच्या प्रवेश / निर्गम स्थानांच्या बाहेरील सेन्सर लोकांच्या डब्यातून बाहेर येणाऱ्या तसंच प्लॅटफॉर्मवरील रेल्वेच्या आसपासच्या लोकांचा मागोवा घेण्यास मदत करतात.
दरम्यान, पश्चिम रेल्वेवरील ऐतिहासिक स्थानक असलेल्या महालक्ष्मी व चर्नी रोड स्थानकाला नवी झळाळी मिळणार आहे. त्यासाठी निविदा प्रक्रिया पूर्ण करून कंत्राटदाराची नियुक्तीही करण्यात आली आहे.
या प्रकल्पामध्ये स्थानक इमारतीच्या पुनर्बाधणीसह प्रवाशांना अन्य सुविधा उपलब्ध करण्यात येणार आहे. सध्या कोरोना संसर्गामुळे लागू करण्यात आलेल्या कडक र्निबधांमुळं दोन्ही स्थानकांच्या पुनर्बाधणीचं काम बंद असून, लवकरच ती पूर्णही करण्यात येणार आहेत.
महालक्ष्मी स्थानकासाठी ३ कोटी ३२ लाख आणि चर्नी रोड स्थानकासाठी ५ कोटी ५१ लाख रुपये खर्च करण्यात येणार आहेत. यापैकी काही कामांना सुरुवातही झाली आहे.
वर्षभरात ही कामं पूर्ण करण्याचं उद्दिष्ट होतं. परंतु कोरोनामुळं ही कामे होऊ शकली नाहीत. आता पावसाळ्यातही अनेक कामे होऊ शकणार नाहीत. त्यानंतरच कामांना सुरुवात होऊ शकेल.
हेही वाचा
Share
Tweet
