म्युच्युअल फंडामध्ये गुंतवणूक करताना 'या' ५ चुका टाळा

म्युच्युअल फंडाच्या गुंतवणूकदाराने गुंतवणूक करताना नेहमीच या ५ चुका करण्यास टाळावे.

म्युच्युअल फंडामध्ये गुंतवणूक करताना 'या' ५ चुका टाळा
SHARES

म्युच्युअल फंड हे गुंतवणूकीचे एक स्मार्ट माध्यम आहे ज्यामध्ये सामान्य गुंतवणूकीपेक्षा पैसा अधिक वेगाने वाढतो. गुंतवणुकीच्या इतर योजनांपेक्षा दिर्घ मुदतीत चांगला परतावा हवा असेल तर म्युच्युअल फंडात गुंतवणूक करणं अपरिहार्य आहे. म्युच्युअल फंडामध्ये गुंतवणूक करण्याचा सर्वात सोपा मार्ग सिस्टीमॅटिक इन्व्हेस्टमेंट प्लॅन (एसआयपी) मानला जातो. याद्वारे, गुंतवणूकदार नियमितपणे विशिष्ट प्रमाणात गुंतवणूक करू शकतात. म्युच्युअल फंड गुंतवणूकदाराला वेगवेगळ्या योजनांमध्ये गुंतवणुकीच्या संधी मिळतात. म्युच्युअल फंडाच्या गुंतवणूकदाराने गुंतवणूक करताना नेहमीच या ५ चुका करण्यास टाळावे.


लक्ष्याशिवाय गुंतवणूक

गुंतवणूकीपूर्वी आपले लक्ष्य निश्चित करणे खूप महत्वाचे आहे. तुमचे बजेट, गुंतवणूक कालावधी आणि गुंतवणूकीचे फायदे लक्षात ठेवणे आवश्यक आहे. गुंतवणूकीपूर्वी हे निश्चित करा की तुम्ही कोणत्या उद्दिष्टासाठी गुंतवणूक करीत आहात. जसे की मुलाचे शिक्षण किंवा मुलीचे लग्न लक्षात घेऊन गुंतवणूक करा. तुम्हाला किती गुंतवणूक करता येईल, ती किती काळासाठी शक्य आहे याचाही विचार करणं आवश्यक आहे.

चांगला परतावा पाहून गुंतवणूक

नेहमी जुन्या किंवा ऐतिहासिक परताव्यावर आधारित गुंतवणूक योजना निवडू नये. गुंतवणूकीचा हा मार्ग चांगला नाही. यासाठी तुम्हाला म्युच्युअल फंड योजना कशा चालतात हे आधी समजून घ्यावे लागेल. आधी खूप चांगला परतावा दिला आहे म्हणून त्या योजनेत गुंतवणूक करणं फायदेशीर ठरेल हा विचार करणं महागातही पडू शकतं. कदाचीत भविष्यात त्या योजनेत आधीसारखा परतावा मिळणार नाही.

अधिक योजनांमध्ये गुंतवणूक

बरेच गुंतवणूकदार या चुका करतात. बऱ्याच योजनांमध्ये गुंतवणूक केल्याने कोणती योजना चांगली कामगिरी करत आहे यावर लक्ष ठेवलं जात नाही. सर्व योजनांची संपूर्ण माहिती असणे महत्वाचे आहे. यावरून कोणती योजना फायद्यात आहे आणि तोट्यात आहे हे समजते.

एकाच वेळी मोठी गुंतवणूक करणं

कधीही एकाच वेळी मोठी रक्कम गुंतवणूक करणं टाळायला हवं. आपत्कालीन परिस्थितीसाठी नेहमीच पैसे जवळ ठेवावेत. त्यानंतरच गुंतवणूक करावी. तुमच्या जवळ आपत्कालीन परिस्थितीत खर्च करण्यासाठी कमीत कमी ८ ते ९ महिन्यांसाठी पुरतील एवढे पैसे असावेत.

गुंतवणूकीचा आढावा आवश्यक

पैशांची गुंतवणूक केल्यानंतर नियमित आढावा घेणे महत्वाचे आहे. आपल्या योजनेच्या कामगिरीचे अधूनमधून पुनरावलोकन केले जावे. जेव्हा आपणास असे वाटते की आपली योजना चांगली कामगिरी करत नाही, तर त्यातून पैसे काढले जावेत.


हेही वाचा  -

५ लाख गुंतवणुकीवर मिळतील ७.२५ लाख, 'अशी' आहे पोस्टाची स्कीम

CREDIT CARD हॅक झाल्यास तात्काळ करा 'हे' काम, परत मिळतील पूर्ण पैसे




संबंधित विषय