Advertisement

घरगुती गॅस सिलिंडरच्या किमतीत पुन्हा वाढ

बुधवारी घरगुती गॅस सिलिंडरच्या किंमतीत वाढ झाल्यानं सर्व सामान्यांच्या खिशाला कात्री लागली आहे.

घरगुती गॅस सिलिंडरच्या किमतीत पुन्हा वाढ
SHARES
Advertisement

एकीकडे इंधनाचे दर गगनला भिडत आहेत. त्यात आता घरगुती गॅसच्या किमती देखील वाढल्या आहेत. जुलैच्या पहिल्याच दिवशी सर्वसामान्यांना मोठा धक्का बसला आहे. बुधवारी घरगुती गॅस सिलिंडरच्या किंमतीत वाढ झाल्यानं सर्व सामान्यांच्या खिशाला कात्री लागली आहे.

देशातील तेल विपणन कंपन्यांनी (एचपीसीएल, बीपीसीएल, आयओसी) एलपीजी गॅस सिलिंडर (एलपीजी गॅस सिलिंडर) च्या अनुदानाशिवाय किंमती वाढवण्याची घोषणा केली आहे. १४.२ किलो विना अनुदानित LPG सिलिंडरची किंमत दिल्लीत १ रुपये प्रति सिलिंडर महाग झाली आहे. आता नवीन दर ५९४ रुपयांवर पोहोचले आहेत. अन्य शहरांमध्येही आजपासून घरगुती LPG सिलिंडरच्या किंमतीत वाढ करण्यात आली आहे.

कोलकातामध्ये ४ रुपये, मुंबईत ३.५० आणि चेन्नईत ४ रुपये महाग झाला आहे. मात्र, दिलासा म्हणजे १९ किलो सिलिंडरच्या किंमतीत कपात करण्यात आली आहे. यापूर्वी, दिल्लीत जून महिन्यात दिल्लीत १४.२ किलो विना अनुदानित एलपीजी सिलिंडरची किंमत प्रति सिलेंडर ११.५० रुपये महाग झाली होती. त्याच वेळी मेमध्ये ते १६२.५० रुपयांनी स्वस्त झाले.

जून दरम्यान दिल्लीत १४.२ किलो विना अनुदानित एलपीजी सिलिंडरच्या किंमतीत प्रति सिलेंडर ११.५० रुपयांनी वाढ करण्यात आली होती. पण मे महिन्यात गॅस सिलिंडरचे दर कमी होते. मेमध्ये दिल्लीत १४.२ किलो विना अनुदानित एलपीजी सिलिंडरची किंमत ५८१ रुपये होती. त्याचबरोबर कोलकातामध्ये ५८४.५० रुपये, मुंबईत ५७९ रुपये आणि चेन्नईमध्ये ५६९.५० रुपये होती.

अधिक माहितीसाठी आपण अधिकृत वेबसाइट (https://www.iocl.com/Products/IndaneGas.aspx) देखील तपासू शकता. इथं तुम्हाला सर्व शहरांच्या गॅस सिलिंडरच्या किंमती मिळतील.



हेही वाचा

एटीएममधून जास्तीत जास्त ५ हजार रुपये काढण्याची शिफारस

करदात्यांना दिलासा! ITR फाइल करण्याची मुदत वाढवली

संबंधित विषय
Advertisement