मुख्यमंत्री देवेंद्र फडणवीस यांच्या निवासस्थानी वर्षा बंगल्यावर दरवर्षीप्रमाणे यंदाही बाप्पा विराजमान झाले आहेत. मुख्यमंत्र्यांनी गणरायाची सहकुटुंब पूजा करून महाराष्ट्रातील तमाम भाविकांना गणेश चतुर्थीच्या शुभेच्छा दिल्या. सोबतच राज्यावर येणाऱ्या सर्व संकटाशी मुकाबला करण्याची शक्ती सर्वांना मिळावी, अशी प्रार्थनाही मुख्यमंत्र्यांनी यावेळी केली.
विघ्नहर्त्यांचे आगमन...
— Devendra Fadnavis (@Dev_Fadnavis) September 2, 2019
वर्षा निवासस्थानी आज सकाळी गणरायाचे पूजन करून प्रतिष्ठापना केली.
Performed Ganesh Pujan at my residence this morning#GaneshChaturthi#GanpatiBappaMorya#गणेश_चतुर्थी pic.twitter.com/gXO4oxqusd
सोबतच मुख्यमंत्र्यांनी आपल्या ट्विटर अकाऊंटवरूनही गणेशभक्तांना शुभेच्छा दिल्या आहेत. गणेश चतुर्थीच्या निमित्ताने राज्यातील सर्वच मंत्र्यांच्या बंगल्यांना विशेष सजावट करण्यात आली आहे. हार-पुष्प, रोषणाईने सगळे बंगले सजवण्यात आले आहेत. पुढील १० दिवस गणेशोत्सवाची धामधुम पूर्ण राज्यात बघायला मिळणार आहे.
शिक्षणमंत्री आशिष शेलार यांनी सकाळी केंद्रीय गृहमंत्री अमित शहा यांच्यासोबत प्रभादेवीतील सिद्धिविनायकाचं दर्शन घेतलं. सोबतच आपल्या वांद्रे मंडळातील गणपतीची पूजा केली.
Completed the sthapana pooja of our @Vandremandal ! Today marks the 24th yr of our mandal ! May we all be showered with Ganesha's blessings ! Welcome all 4 darshan ! pic.twitter.com/IhUqs8mMOq
— ashish shelar (@ShelarAshish) September 2, 2019
उच्च तंत्रशिक्षण मंत्री विनोद तावडे यांच्या सेवा सदन बंगल्यावरही गणरायाचं आगमन झालं असून त्यांनी ट्विटरवरून पर्यावरणाला हानी न पोहचवता गणेशोत्सव साजरा करण्याचं आवाहन केलं आहे.
आपल्या लाडक्या गणरायाचे आगमन होणार आहे. विघ्नहर्त्याच्या स्वागतासाठी आपण सारेजण उत्सुक आहोत. हाच उत्साह अखंड ठेवत, स्वच्छता आणि पर्यावरणाचे भान राखत हा गणेशोत्सव आनंदाने, सद्विचाराने साजरा करूया.
— Vinod Tawde (@TawdeVinod) August 30, 2019
गणपती बाप्पा मोरया!! pic.twitter.com/GgLXiWUrda
महिला व बालकल्याणमंत्री पंकजा मुंडे यांनी आपल्या निवासस्थानी विराजमान झालेल्या गणेशाची मनोभावे पूजा केली. तसंच बळीराजाच्या भल्यासाठी प्रार्थना केली.
गणपती बाप्पा मोरया !!! #GaneshChaturthi #HappyGaneshChaturthi # pic.twitter.com/wg6827Dqmw
— Pankaja Gopinath Munde (@Pankajamunde) September 2, 2019
आज गणपती बाप्पाची मनोभावे पूजा करून मराठवाड्यात अजूनही पावसाने पाठ फिरवली आहे, किमान परतीचा मान्सून मराठवाड्यात सक्रिय होऊन चांगला पाऊस पडून पिक-पाण्याने बळीराजा सुखी समाधानी होवो ही प्रार्थना केली. #GanpatiBappaMorya #GaneshChaturthi pic.twitter.com/LGHNhrJPQm
— Pankaja Gopinath Munde (@Pankajamunde) September 2, 2019
काँग्रेस नेते आणि माजी मुंबई अध्यक्ष संजय निरूपम यांच्या घरी गणरायाची प्रतिष्ठापणा करण्यात आली आहे.
Shri @sanjaynirupam prepares for morning Aarti. #GaneshChaturthi2019 #HappyGaneshChaturthi pic.twitter.com/BC5LJK1fXo
— With Sanjay Nirupam (@withSNirupam) September 2, 2019
हेही वाचा-
गणेशोत्सव २०१९: गणरायाचं उत्साहात आगमन, मुंबईत कडेकोट बंदोबस्त
अमित शहा यांनी घेतलं सिद्धिविनायकाचं दर्शन
Share
Tweet
