मॅकडोनाल्ड्स इंडिया (पश्चिम आणि दक्षिण) ने मुंबईत देशातील पहिले एअरपोर्ट ड्राइव्ह-थ्रू रेस्टॉरंट सुरू केले आहे. छत्रपती शिवाजी महाराज आंतरराष्ट्रीय विमानतळ (CSMIA) च्या टर्मिनल 2 (T2) पासून केवळ 100 मीटर अंतरावर असलेले, हे 24x7 चालणारे मुंबईतील पहिले मॅकडोनाल्डचे रेस्टॉरंट देखील आहे.

एअरपोर्ट ड्राईव्ह-थ्रू रेस्टॉरंट T2 मधील हजारो प्रवाश्यांना, विमानतळावरील कर्मचारी आणि स्थानिक रहिवाशांना दिवसाच्या कोणत्याही वेळी जलद आणि स्वादिष्ट जेवणाच्या त्यांच्या मागण्या पूर्ण करेल.

सौरभ कालरा, MD, McDonald’s India (W&S), म्हणाले, “मुंबई येथे भारतातील पहिले एअरपोर्ट ड्राईव्ह-थ्रू रेस्टॉरंट सादर करताना आम्हाला आनंद होत आहे. ही नाविन्यपूर्ण संकल्पना ग्राहकांचा अनुभव वाढवण्याच्या, त्यांच्या विकसित होत असलेल्या गरजा पूर्ण करण्यासाठी आणि त्यांना शक्य तितका सर्वोत्तम जेवणाचा अनुभव देण्याच्या आमच्या सतत वचनबद्धतेच्या दिशेने एक महत्त्वपूर्ण पाऊल आहे. आम्ही केवळ मुंबई महानगर प्रदेशातच नव्हे तर पश्चिम आणि दक्षिण भारतातील इतर मोक्याच्या ठिकाणीही ही सुविधा सुरू करण्यासाठी उत्सुक आहोत, जेणेकरून प्रत्येकासाठी आनंददायी क्षण सहज अनुभवता येतील.”

ड्राइव्ह-थ्रू रेस्टॉरंटमध्ये अनेक नाविन्यपूर्ण वैशिष्ट्ये आहेत.

• ड्राइव्ह-थ्रू लेन आणि कस्टमर ऑर्डरिंग डिस्प्ले (सीओडी)
• मॅकडोनाल्ड्स इंडिया सर्व्हिस गॅरंटी प्रोग्रामचा भाग म्हणून फक्त 120 सेकंदात त्वरित ऑर्डर
• रेस्टॉरंटमध्ये 4 सेल्फ ऑर्डरिंग किओस्क (एसओके) स्थापित करण्यात आले आहेत जेणेकरुन ग्राहकांचा वेळ वाचविण्यात मदत होईल 
• प्रीमियम आणि प्रशस्त बसण्याचा अनुभव

McDonald’s India पुढील 4-5 वर्षांमध्ये 30-35% नवीन स्टोअर्स ड्राइव्ह-थ्रूची होण्याची शक्यता आहे. देशाच्या पश्चिम आणि दक्षिणेकडील भागांमध्ये, 58 शहरांमध्ये 361 रेस्टॉरंट्स (30 जून 2023 पर्यंत) आहेत, त्यापैकी 69 ड्राइव्ह-थ्रस आहेत.

हेही वाचा

मुंबई-ठाणेकरांना अनोखी मेजवानी! अनुभवा ‘स्काय डायनिंग’चे अॅडव्हेंचर