बदललेलं लाइफस्टाइल, खाण्यापिण्याच्या सवयी, अनियमित मासिक पाळी, धुम्रपान, मद्यपान अशा अनेक कारणांमुळे शहरांत राहणाऱ्या महिलांमध्ये स्तनाच्या कर्करोगा (ब्रेस्ट कॅन्सर)चं प्रमाण वाढलं आहे.
ऑक्टोबर महिना स्तन कर्करोगाच्या जनजागृतीचा महिना म्हणून ओळखला जातो. या महिन्यात वेगवेगळ्या कार्यक्रमांद्वारे स्तनाच्या कर्करोगाविषयी जनजागृती केली जाते.
ग्रामीण भागात स्तनाच्या कर्करोगाचं प्रमाण कमी आहे. १ लाखात ९ टक्के महिलांना स्तनाच्या कर्करोगाला सामोरं जावं लागत आहे. तर, शहरी भागात १ लाखात २५ ते ३० टक्के महिलांना स्तनाच्या कर्करोगाची लागण होत असून हे प्रमाण आणखी वाढण्याची शक्यता असल्याचं टाटा हाॅस्पिटलचा सर्व्हे सांगतो.
स्त्रियांमध्ये ४० वर्षांवरील महिला तसेच ज्यांच्या कुटुंबात कर्करोगाचा इतिहास आहे अशा स्त्रियांना स्तनाच्या कर्करोगाचा धोका असतो. ज्या स्त्रियांना मासिक पाळी लवकर सुरु झाली आहे, ज्या स्त्रिया स्थूल आहेत किंवा ज्या स्त्रिया गर्भधारणा होऊ नये म्हणून नियमित गोळ्या घेत आहेत, अशा स्त्रियांनाही स्तनाच्या कर्करोगाची शक्यता असते. वयाच्या तिशीनंतर मुले झाली असतील तर अशा स्त्रियांनाही धोका असू शकतो.
वयाच्या पस्तीशी, चाळीशीनंतर स्तनाचा कर्करोग होण्याचं प्रमाण वाढतं. त्यासाठी नित्यनियमाने 'मैमोग्राफी' आणि 'बायोप्सी' या दोन चाचण्या करणं गरजेचं असतं. 'मैमोग्राफी' या चाचणीला फक्त अर्धा तास जातो. वेळोवेळी स्तनांमध्ये गाठ नसल्याची खात्री करुन घेणं गरजेचं असतं.
स्तनांच्या कर्करोगाचं प्रमाण आणखी वाढू शकतं. पण, योग्य वेळेत निदान झाल्यास तो बराही होऊ शकतो. त्यामुळे स्त्रियांनी, मुलींनी स्वत: परिक्षण करणं गरजेचं असतं. धुम्रपान, मद्यपान, बदलता आहारामुळे स्तनाचा कर्करोग होऊ शकतो म्हणून जीवनशैलीत बदल केला पाहिजे.
- प्रा. डॉ. ज्योती बाजपेयी, मेडिकल ऑन्कोलॉजिस्ट, टाटा हॉस्पिटल
हेही वाचा -
पालिकेच्या महिला कर्मचाऱ्यांना ब्रेस्ट कॅन्सर स्वपरिक्षणाचे धडे
१०४ क्रमांकांवर फोन करा, धावत येईल वैद्यकीय अधिकारी
Share
Tweet
