मुंबई मेरी जान!

Mumbai

मुंबई म्हणजे किनारा... मुंबई म्हणजे उत्साह... मुंबईची खरी ओळख करुन देणारे काही निवडक फोटो आणि त्या फोटोंमागची कहाणी खास 'मुंबई लाइव्ह'च्या वाचकांसाठी...!

मेधा म्हात्रे

मुंबई से हूँ बॉस!

आपण सर्वजण मुंबईत राहतो. पण मुंबईची छबी कुठे ना कुठे आपल्यात दिसून येते. आपले हृदय मुंबईसाठी धडकते आणि मुंबईचे हृदय आपल्यासाठी धडकते. मुंबई फक्त एक शहर नाही. तर स्वप्ननगरी आहे!

रासेश राजा

मला हा कॉफी कप गिफ्ट म्हणून दिला आहे. माझ्यासाठी हा कप म्हणजे एखाद्या मित्रासारखा आहे. जिथे जातो तिथे हा कप माझ्यासोबत असतो. मुंबईच्या गल्ल्या-गल्ल्यांमध्ये मी हा कप फिरवला आहे. मुंबईचा इतिहास, मुंबईचे रस्ते, सिनेमा, मुंबईकर आणि त्यांचे स्पिरीट या सर्वांशी मी या कपची ओळख करून दिली आहे.

दीप ठक्कर

काजल नावाची मुलगी रस्त्यावर अभ्यास करत बसली आहे आणि तिच्या बाजूला तिचे भाऊ-बहीण आहेत. काजलची आई मरीन ड्राइव्ह परिसरात फळं विकते. तिची इच्छा आहे की, तिच्या मुलीने अभ्यास करावा आणि खूप मोठे व्हावे.

विनीत जे.भिंडे

मुंबईनगरी फक्त माणसांसाठीच नाही तर पक्ष्यांसाठी सुद्धा आकर्षणाचे केंद्रबिंदू आहे. मुंबईतल्या मरीन डाईव्ह इथे रोज मुंबईकर भेट देतात. पण हिवाळयात बाहेरून आलेले पक्षीसुद्धा मुंबईला भेट देतात. मुंबईसाठी गर्दी काही नवीन नाही. पण मुंबईकरांना कधी या गर्दीचा त्रास झाला नाही. सण असो किंवा कोणती आपत्ती असो, मुंबईत सर्वधर्म समभावच आढळतो. अशा परिस्थितीत हिंदू, मुस्लिम आणि ख्रिश्चन एकत्र येतात. अशा या मुंबईचा मी सुद्धा एक भाग आहे.

विनीत

गडबड, धावपळ आणि गर्दी मुंबईचा हिस्सा झाली आहे. पण एक शांत आणि सुंदर मुंबईसुद्धा इथे वसलेली आहे. गोराई खाडीतून हा फोटो काढला आहे. पॅगोडा रात्रीच्या वेळी खूप सुंदर आणि उठून दिसतो.

रामताप केलकर

७०व्या स्वातंत्र दिनानिमित्त छत्रपती शिवाजी महाराज टर्मिनसची ऐतिहासिक इमारत सजवण्यात आली होती. ही इमारत ब्रिटिश शासनाची आठवण करून देते. आम्हाला आमच्या देशाचा अभिमान आहे. पण आम्हाला आत्मपरिक्षणाची गरज आहे. आपण आपल्या ऐतिहासिक जागांची किंवा किल्ल्यांची नीट काळजीच घेत नाहीत. त्यामुळे आपल्याला बदलणे गरजेचे आहे.

हर्षद जोशी

मी काढलेला हा फोटो मला खूप आवडला आहे. माझ्या फोटोंपैकी हा बेस्ट क्लिक आहे.

रुपाली शिंदे

मुंब्र्यातल्या एका पालिका शाळेत मी हा फोटो क्लिक केला आहे. मुले क्लासच्या बाहेर बसून आपल्या पालकांची वाट पाहत आहेत. मुलांचा निरागस चेहरा पाहून मी स्वत:ला फोटो काढण्यापासून आवरूच शकले नाही.