पेट्रोल, डिझेलचा उडालेला भडका... त्यात भाजीपाल्याच्या दरवाढीचा तडका... महागाईने सर्वसामान्य हैराण झाला असून 'अच्छे दिन हेच का?' असा प्रश्न सर्वांनाच सतावत आहे. हाच मुद्दा 'इन्कॅश' करत शिवसेना सत्तेत असूनही केंद्र सरकारविरोधात रस्त्यावर उतरली आहे.
महागाईविरोधात मुंबईतील वेगवेगळ्या १२ ठिकाणी शिवसेनेने शनिवारी मोर्चाचे आयोजन केले. सकाळपासून हजारोंच्या संख्येने शिवसैनिक रस्त्यावर उतरून नरेंद्र आणि देवेंद्र सरकारविरोधात जोरदार घोषणाबाजी करत आहेत. तर दुसरीकडे शिवसेनेच्या कार्यकर्त्यांपासून नेत्यांपर्यंत सर्वांच्या अटकसत्राला दुपारपासून सुरूवात झाली आहे.
सीएसटी भागात खासदार अनिल देसाई, अरविंद सावंत यांच्या नेतृत्त्वाखाली आंदोलन करण्यात आले. यावेळी शिवसेनेने महागाईचा प्रतिकात्मक राक्षसही आणला होता. यावेळी अनिल देसाई आणि अरविंद सावंत यांच्यासह कार्यकर्त्यांना पोलिसांनी ताब्यात घेतले होते.
तर शिवसेना विभाग क्र.११ दक्षिण मुंबई येथे महागाईविरोधात निदर्शने करणाऱ्या आ. नीलम गोऱ्हे, आ. अजय चौधरी, आशिष चेंबूरकर, किशोरी पेडणेकर, माजी महापौर स्नेहल आंबेकर, अरविंद भोसले, माजी आ. दगडू सकपाळ यांनाही पोलिसांनी अटक केली.
नरेंद्र सरकार, देवेंद्र सरकार हाय हाय... सारख्या घोषणांनी शिवसैनिकांनी मोर्चाचा परिसर दणाणून टाकला. मोर्चातील या घोषणांची चांगलीच चर्चा मुंबईकरांमध्ये आहे. अशाच काही घोषणा.
मोर्चामध्ये पुरूषांसह महिला कार्यकर्त्यांचाही मोठा सहभाग आहे. भगवे झेंडे, भगव्या टोप्या, फेटे घालून हे कार्यकर्ते सरकारविरोधात जोरदार घोषणाबाजी करताना दिसताहेत. तर महिला कार्यकर्त्यांनी भगव्या साड्या परिधान केल्या आहेत. त्यामुळे पहावे तिकडे भगवा-भगवाच रंग दिसतो आहे.
महागाईचा निषेध करण्यासाठी मोर्चात सहभागी झालेल्यांनी गळ्यात चक्क भाज्यांच्या माळाा घातल्या आहेत. तर सिलिंडरची प्रतिकृतीही गळ्यात अडकवली आहे. धान्याची पाकिटे पोस्टरवर लावली आहेत.
हेही वाचा -
शिवसेना दिवाळीपूर्वीच फोडणार फटाका?
शिवसेनेचे 20 ते 22 आमदार फुटणार - रवी राणा
भांडूप पोटनिवडणूक : अखेर उमेदवार निश्चित!
डाऊनलोड करा Mumbai live APP आणि रहा अपडेट
मुंबईशी जोडलेली प्रत्येक बातमी आणि अपडेट मिळवण्यासाठी Mumbai live च्या फेसबुक पेजला लाईक करा
(खाली दिलेल्या कमेंट बॉक्समध्ये तुमच्या प्रतिक्रिया अवश्य द्या)
Share
Tweet
