लहान असताना मी गावी जायचो. तेव्हा आजूबाजूची लोकं या व्यवसायामुळे मला आणि माझ्या कुटुंबियांना अपमानास्पद वागणूक द्यायचे. ही चुकीची विचारधारा बदलण्याचा मी एक प्रयत्न केला आहे. या अंतर्गत मी सहा महिन्यापूर्वी हा ब्रँड लाँच केला.
- सुधीर राजभर
सुरुवातीला सुधीर कापडापासून हँडबॅग्स बनवायचे. नंतर त्यांनी चामड्यापासून बॅग बनवायला सुरुवात केली. सुधीर म्हणाले की, माझ्या या व्यवसायात कुणीही सहभागी होऊ शकतो. आम्ही त्यांना हँडबॅग्स बनवण्यासाठी सामान देऊ. हँडबॅग्सची किंमत १५०० ते ६००० च्या घरात आहे. छोट्या शॉप्सपासून ते मोठ्या शोरूममध्ये सुधीर यांच्या हँडबॅग्स विक्रीस उपलब्ध आहेत. लवकरच सुधीर यांच्या या हँडबॅग्स ऑनलाईन देखील उपलब्ध होतील.
हेही वाचा -
आशियातील सर्वात मोठी झोपडपट्टी म्हणून ओळखला जाणारा मुंबईतला एक भाग म्हणजे धारावी. धारावीची झोपडपट्टी जितकी ओळख आहे तितकीच तिथल्या गल्लोगल्ली चालणाऱ्या लघुउद्योगाचीदेखील ओळख कित्येकांना आहे. पापड, लोणची, मसाले, खेळणी, लहान - मोठ्या वस्तू अशा कितीतरी उद्योगांप्रमाणेच पूर्वापार चालत आलेला इथला व्यवसाय म्हणजे चर्मोद्योग. लेदरची पर्स घ्यायची असो वा वॉलेट, पट्टा घ्यायचा असो वा जॅकिट किंवा उत्तम प्रतीची लेदर बॅग, ग्राहकांची पसंती असते ती धारावीला.
चमार स्टुडिओ
एक वेळ अशी होती की चांभार उद्योगाकडे पाहून नाकं मुरडली जायची. पण आता परिस्थिती बदलली आहे. याचा अनुभव घ्यायचा असेल तर 'चमार स्टुडिओ'ला भेट द्या. इथं तुम्हाला लेदरचं एक वेगळं विश्व पाहायला मिळेल. हा उद्योग इथल्या चर्मकारांचा पारंपरिक उद्योग आहे. हा चर्मोद्योग ६० ते ७० वर्षांपासून अविरत सुरू आहे. मुंबईत राहणारे आर्टिस्ट सुधीर राजभर आणि त्यांच्या सहकाऱ्यांनी 'चमार स्टुडिओ'ची स्थापना केली. चमार स्टुडिओमध्ये सुधीर आणि त्यांचे सहकारी फॅशनेबल हँडबॅग्स आणि बेल्ट बनवतात. त्यामुळे चमार स्टुडिओ हा मुंबईतल्या बाजारांमधला एक मोठा ब्रँड बनला आहे.