जगातील सर्वोत्तम दहा प्रभावी महिलांमध्ये नीता अंबानी

आयपीएलमधील मुंबई इंडियन्स संघाच्या मालकीण आणि उद्योगपती मुकेश अंबानी यांच्या पत्नी नीता अंबानी यांच्या शिरपेचात मानाचा तुरा खोवला गेला आहे. कारण जगातील सर्वोत्तम दहा प्रभावी महिलांमध्ये नीता अंबानी यांचा समावेश करण्यात आला आहे. मुंबई इंडियन्स संघाची मालकी नीता यांच्याकडे आहे. गेल्या काही वर्षांमध्ये मुंबई इंडियन्सने दमदार कामगिरी केली आहे. त्याचबरोबर आयपीएलमध्ये सर्वाधिक जास्त जेतेपदे मुंबई इंडियन्सकडे आहेत.

हेही वाचाः- राज्यसभेची उमेदवारी न मिळाल्याने शिवसेनेचे चंद्रकांत खैरे भडकले

नीता अंबानी या फक्त क्रिकेटशी निगडीत आहेत असे नाही, तर फुटबॉलमध्येही जागतिक स्तरावर त्यांचे योगदान आहे. आता तर जगातील सर्वोत्तम दहा प्रभावी महिलांमध्ये नीता अंबानी यांचे नाव सामील करण्यात आले आहे. नीता अंबानी या मुंबई इंडियन्स संघाच्या मालकीण आहेत. आयलीएलच्या इतिहासामध्ये अंबानी यांच्या मुंबई इंडियन्स संघाने आतापयर्ंत नेत्रदीपक कामगिरी केली आहे. आयपीएलमधील मुंबई इंडियन्सची कामगिरी ऐतिहासिक अशीच आहे. नीता अंबानी या फक्त क्रिकेट आणि आयपीएलपुरत्या मयार्दीत नाहीत तर राष्ट्रीय आणि आंतरराष्ट्रीय स्तरावरही त्यांनी अन्य खेळाडूंसाठी भरीव योगदान दिले आहे. त्यामुळेच नीता अंबानी यांचा हा बहुमान करण्यात आला आहे.

हेही वाचाः-CoronaVirus: कोरोनाचा फटका आता आंबा निर्यातीवरही

आयपीएलच्या पहिल्या पर्वात नीता अंबानी यांचा मुंबई इंडियन्समध्ये सक्रीय सहभाग नसल्याचे पाहायला मिळाले असल्याचे चाहत्यांचे म्हणणे आहे. पण दुसर्‍या पर्वापासून नीता अंबानी या आयपीएल आणि मुंबई इंडियन्समध्ये चांगल्या सक्रीय झाल्याचे पाहायला मिळाले. नीता अंबानी या मुंबईचा सामना सुरु असताना बर्‍याचदा डग आऊटमध्येही पाहायला मिळाल्या आहेत. त्याचबरोबर मुंबई इंडियन्सच्या खेळाडूंबरोबर त्या चर्चा करत असल्याचेही पाहायला मिळाले आहे.जगभरातील प्रभावी महिलांच्या यादीमध्ये क्रीडा विभागही आहे. या क्रीडा विभागाच्या यादीमध्ये अमेरिकेची अव्वल महिला टेनिसपटू सेरेना विल्यम्सचा समावेश करण्यात आला आहे. त्याचबरोबर जगप्रसिद्ध जिम्नॅस्ट सिमोनी बाईल्सचेही नाव आहे. या यादीमध्ये भारताची महिला टेनिसपटू सानिया मिर्झा आणि भारताची माजी कर्णधार मिताली राज यांचाही समावेश करण्यात आलेला आहे.