मुंबईसह राज्यभरातील स्कूल बस असोसिएशन गुरुवारी काळा दिवस पाळणार आहेत. हरियाणातल्या रायन स्कूलमधील लहान मुलाच्या हत्येनंतर स्कूल बस चालकांवर अनेक नियम लादले गेले. या मानसिक त्रासाविरोधात गुरुवारी स्कूलबस चालक काळा दिवस पाळणार आहेत. असे असोसिएशनकडून स्पष्ट करण्यात आले आहे. स्कूल बसचालक काळे कपडे घालून, हाताला काळी फित बांधून किंवा बसवर काळा झेंडा लावून निषेध व्यक्त करतील.
शाळेने आमच्यावर लादलेल्या या नियमांचा आम्हाला त्रास होत आहे. शाळेकडून अतिशय वाईट वागणूक दिली जात आहे. हा काळा दिवस सरकारला जाग येण्यासाठी आम्ही पाळत आहोत. सरकारने लावकरात लवकर याबाबत नियम स्पष्ट करावेत.
- अनिल गर्ग, अध्यक्ष स्कूलबस असोसिएशन
हेही वाचा -
स्कूलबसमध्ये महिला बसवाहक नेमणार
स्कूलबसमधल्या विद्यार्थ्यांच्या सुरक्षेची जबाबदारी कुणाची?