कोरोनाच्या पार्श्वभूमीवर लॉकडाऊनमुळं मार्च महिन्यापसून बंद असलेलं दादरचं फूल मार्केट जून महिन्यात हळूहळु सुरू झालं. वेगवेगळ्या रंगांच्या फुलांनी सजलेल्या मार्केटमध्ये ग्राहकांची तुफान गर्दी असायची. परंतु, कोरोना आणि लॉकडाऊनमुळं ग्राहकांनी फूल मार्केटकडं पाठ फिरवली. त्यामुळं यंदा सणांमध्ये फुलांना भाव चांगला मिळेल की यांची चिंता येथील फूल विक्रेत्यांना सतावत होती. परंतु, श्रावण सुरू होताच दादरच्या फूल मार्केटचं चित्रच बदललं आहे. दादर येथील फूल मार्केट विविध फुलांनी सजले आहे.
यंदा गणेशोत्सवासाठी दादर येथील फूल मार्केट विविध फुलांनी सजलं आहे. यंदा फुलांना भावही चांगला असून नागरिकही बाप्पाच्या पूजेसाठी, तसेच हार आणि सजावटीसाठी मोठ्या प्रमाणात फुले खरेदी करत आहेत. कोरोनाच्या काळातही फुलांची विक्री होत असल्यानं व्यापाऱ्यांमध्ये उत्साहाचे वातावरण आहे. मुंबईवर कोरोनाचं संकट असलं तरीही नागरिक लाडक्या बाप्पासाठी फुलं खरेदी करण्यासाठी दादर इथं गर्दी करत आहेत.
दादरच्या फुल मार्केटमध्ये फुलांची आवकही दरवर्षीप्रमाणंच झाली आहे. पुणे, सांगली, सातारा व नाशिक अशा महाराष्ट्राच्या विविध भागांतून दादर फूल मार्केटमध्ये शेतकरी फुले घेऊन येत आहेत. दादर फूल मार्केटमध्ये झेंडूच्या फुलांना सर्वाधिक मागणी आहे.
'या' फुलांना मागणी
हेही वाचा -
मुंबईला पाणीपुरवठा करणारे तानसा तलाव ओव्हरफ्लो
मुंबईत मुसळधार पाऊस, सखल भागांमध्ये पाणी साचण्यास सुरुवात
Share
Tweet
