थंडीने पुन्हा एकदा जोर धरला आहे. हिवाळ्यात वातावरणात गारवा असल्यानं आहाराची अधिक काळजी घ्यायला लागते. हिवाळ्यात विकरांना दूर ठेवणारे, नैसर्गिकरीत्या सहज मिळणारे आणि शरीरात उष्णता निर्माण करणारे पदार्थ जरूर खावेत. आम्ही तुम्हाला अशाच काही पदार्थांची नावं सांगणार आहोत.

१) सकाळी सुंठ-गूळ-तुपाची गोळी खाणे, रोज डिंकाचा लाडू, मेथीचा लाडू वा अळिवाचा लाडू खाणे. जेवणानंतर ओवा-तीळ वगैरे द्रव्यांपासून बनवलेली सुपारी खाणे.

२) ज्वारी-बाजरीच्या भाकरीबरोबर गूळ-तूप खाणे, जेवणात तिळाची चटणी, लसणाची चटणी, ओली हळद-आंबेहळद यांच्यापासून बनविलेले लोणचे यांचा समावेश असावा. तिळाची चिक्कीदेखील हिवाळ्यात खाल्ली पाहिजे.

३) हिवाळ्यात प्यायचे पाणी गरम वा कोमट असणे उत्तम होय. जेवताना गरम पाणी पिण्यानं अन्नपचन व्यवस्थित होण्यास मदत मिळते. तसंच एरव्हीसुद्धा गरम पाणी पिण्याने ऊब मिळण्यास मदत मिळते.

४) दूध, लोणी, ताक, तूप हे रोजच्या खाण्यात असावेत. असे पदार्थ हिवाळ्यातही खाण्यास उत्तम असतात. हिवाळ्यात ऊब मिळावी म्हणून दुधात सुंठ, केशर वगैरे घालता येते. लोण्यामध्ये काळी मिरी, आले, थोडासा लसूण, कोथिंबीर घातली तर ते अतिशय रुचकर लागते आणि शरीराला स्निग्धता आणि ऊब दोन्ही देऊ शकते.

१०) हिवाळ्यात बोरे मुबलक मिळतात. बोरे गुणांनी स्निग्ध, बृहण करणारी, पचायला जड (गुरू) आणि मधुर आहेत. हिवाळ्यात अनेकांना आव पडण्याचा किंवा आमांशाचा त्रास होतो. तो टाळण्यासाठीही बोरे चांगली. बोरे अग्निदीपन करणारी असून ती पित्त आणि कफ कमी करतात.

हेही वाचा

हिवाळ्यात अशी घ्या त्वचा आणि केसांची काळजी

दिवाळीत होणाऱ्या प्रदूषणापासून 'असा' करा बचाव