मुंबईसह देशभरात वाढणारे इंधानाचे भाव आता नागरिकांसाठी डोकेदुखी ठरत आहे. पेट्रोल व डिझेलचे दिवसेंदिवस वाढणाऱ्या किंमतींमुळं महिन्याच्या आर्थिक खर्चात वाढ होत आहे. सर्वसमान्य दुचाकी चालकांना पेट्रोलचे वाढलेले दर पाहता गाडी चालवायची की नाही असा प्रश्न सातावत आहे. दरम्यान, दिवसेंदिवस पेट्रोल व डिझेलचे दर वाढ असून, मुंबईत पेट्रोलच्या किंमतीनं नवा विक्रम गाठला आहे. कंपन्यांनी जारी केलेल्या नवीन दरानुसार, पेट्रोल आणि डिझेलच्या प्रतिलीटर दरात प्रत्येकी ३५ पैशांची वाढ झाली आहे.
सलग तिसऱ्या दिवशी पेट्रोलियम कंपन्यांकडून इंधनाच्या दरात पुन्हा एकदा वाढ करण्यात आली आहे. पेट्रोलियम कंपन्यांनी शुक्रवारी जाहीर केलेल्या दरांनुसार देशाची राजधानी दिल्लीत पेट्रोल आणि डिझेलचा दर अनुक्रमे १०६.८९ आणि ९५.६२ रुपये इतका आहे. तर, मुंबईत पेट्रोलचा प्रतिलीटर दर ११२.७८ रुपये इतका आहे. तर एका लिटर डिझेलसाठी १०३.६३ रुपये मोजावे लागत आहेत.
ऑक्टोबरमध्ये ५ रुपयांनी वाढ
ऑक्टोबर महिन्यात इंधनाचे दर १५ पटींपेक्षा जास्त वाढवण्यात आले आहेत. केवळ ३ दिवस वगळता दररोज पेट्रोल आणि डिझेलचे दर वाढले आहेत. ऑक्टोबरमध्ये आतापर्यंत पेट्रोल ५.१५ रुपयांनी महाग झाले आहे, तर डिझेल ५ रुपयांनी वाढले आहे.
आंतरराष्ट्रीय बाजारात तेलाच्या किंमतीत झालेल्या उसळीने २८ सप्टेंबरला पेट्रोल आणि २४ सप्टेंबर रोजी डिझेलच्या किंमतीवर लागलेला ब्रेक संपवला. तेव्हापासून पेट्रोलच्या किंमतीत १८ पट आणि डिझेलच्या किंमतीत २१ पट वाढ झाली आहे. भारतात स्थानिक कर (व्हॅट) आणि मालवाहतूक शुल्कावर आधारित इंधनाचे दर राज्यानुसार बदलतात.
याशिवाय, केंद्र सरकार इंधनावर उत्पादन शुल्क लावते. आंतरराष्ट्रीय बाजारातील बेंचमार्क इंधनाच्या सरासरी किंमती आणि परकीय चलन दराच्या आधारे भारतीय तेल कंपन्या गेल्या १५ दिवसात दररोज पेट्रोल आणि डिझेलचे दर वाढवत आहेत. पेट्रोल आणि डिझेलच्या किंमतीत उत्पादन शुल्क, डीलर कमिशन आणि इतर गोष्टी जोडल्यानंतर त्याची किंमत जवळजवळ दुप्पट होते.
असे तपासा पेट्रोल-डिझेलचे दर